web counter
LEXO PA REKLAMA!

SHKARKO APP

App Store
Google Play

E fundit!

x

Lubonja kritika Bashës/ Ja si merret pushteti

1 Korrik 2019, 17:56, Aktualitet CNA

Analisti Fatos Lubonja ka folur për raportin e OSBE/ODIHR lidhur mbi zgjedhjet e djeshme.

I ftuar në News 24, përmes një lidhje të drejtpërdrejtë, Lubonja tha se shpëtimi nuk mund të pritet as nga OSBE dhe as nga SHBA, por nga vetë shqiptarët.

?Në një vend normal shpëtimi nuk duhet pritur as nga OSBE, as nga SHBA por nga vetë shqiptarët. Një vend normal që i var shpresat tek OSBE dhe tek SHBA, nuk i meriton zgjedhjet normale. Le ti japë sa të dojë mbështetje SHBA e OSBE qeverisë, nëse opozita kthehet nga qytetarët nuk ka SHBA që mund ta ndryshojë këtë vullnet.

Raporti i OSBE, ishte i vakët, sa për të lartë fytyrën. Këto zgjedhje treguan se kjo qeveri që ata e mbeshtetën qartësisht kishte mbështetje të ulet në popull. Ndaj mendoj se u detyruan të nxirrnin këtë raport paraprak.

Në këto zgjedhje nuk u fut në veprim makineria e rëndë e manipulimit, blerja masive e votës me paratë e krimit. Nuk ka pasur interes tek ata që japin paratë për të hyrë rëndë në lojë.?

Më tej Lubonja ka folur edhe për strategjitë e opozitë për të ardhur në pushtet teksa u shpreh se duhet luftuar sistemi dhe jo thjesht Edi Rama.

?Ky 80% duhet analizuar mirë nga PD sepse një pjesë e saj janë militantët por është edhe një pjesë që refuzon politikën në të dy krahët, që ndihet e papërfaqësuar.

Mbetet një formulë që e kam thënë se opozita është e dënuar që nëse do të marrë pushtetin, duhet të luftojë sistemin, jo thjesht Edi Ramën. Kjo opozitë duhet të shkojë tek njerëzit duke ndërruar sistemin e grabitjes së votës që Rama e ka cuar në nivelet më të larta. Opozita të kthehet në shërbimin ndaj qytetarëve dhe të ndahet nga oligarket”, u shpreh Lubonja./CNA.al

 





Lajmet e fundit nga