web counter
LEXO PA REKLAMA!

SHKARKO APP

App Store
Google Play

E fundit!

x

Një ditë pas zgjedhjeve/ BE bën thirrje për dialog

1 Korrik 2019, 19:49, Aktualitet CNA

Pas deklaratës së ambasadës amerikane në Tiranë ka reaguar edhe Bashkimi Europian.

Maja Kocijancic zëdhënësja e BE-së ka komentuar zgjedhjet lokale në Shqipëri.

Në deklaratën e saj Maja Kocijancic bëri thirrje për dialog konstruktiv mes palëve.

?Zgjedhjet lokale të zhvilluara në Shqipëri të dielën më 30 qershor u zhvilluan në një kontekst të ndarjes politike, por në një mënyrë përgjithësisht të qetë dhe të rregullt.

Ne morëm parasysh të gjitha vërejtjet paraprake të bëra nga shefi i Misionit të Vëzhgimit të Zgjedhjeve të OSBE / ODIHR.

Organet lokale të sapozgjedhura tani duhet të jenë në gjendje të punojnë sipas kompetencave të tyre kushtetuese, në dobi të qytetarëve të vendit.

Siç thuhet në mënyrë të përsëritur: qeveria dhe opozita duhet të tregojnë pjekuri politike dhe të angazhohen urgjentisht në dialog konstruktiv për të kapërcyer situatën aktuale politike.

Të gjitha institucionet shqiptare dhe udhëheqësit politikë tani duhet të përqëndrojnë përpjekjet e tyre në vijueshmërinë e zbatimit  të procesit të reformës, duke përfshirë rinisjen e reformës së iniciuar më parë të legjislacionit zgjedhor për të adresuar rekomandimet e ODIHR-it?,-deklaron Maja Kocijancic./CNA.al





Lajmet e fundit nga