E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Qytetarët i drejtohen kutive/ Vijon pa probleme procesi i votimit

30 Qershor 2019, 05:42, Aktualitet CNA

Qytetarët shqiptarë, mëngjesin e sotëm u janë drejtuar kutive të votimit, për të zgjedhur drejtuesit lokalë, për katër vitet e ardhshme.

Sikurse e parashikon orari zyrtarë, qendrat e votimit janë hapur në orën 07:00, ndërsa pritet që votimi të zgjasë deri në orën 19:00.

Pavarësisht situatës së tensionuar pilitike, deri në këto momente duket se procesi i votimit po zhvillohet normalisht dhe pa probleme, me përjashtim të disa qendrave të votimit në Shkodër.

Edhe në bashkitë e djathta, si Lezha, procesi i votimit ka nisur pa probleme.

Në Lezhë Partia Socialiste kandidaton Pjerin Ndreun, ndërkohë që Bindja Demokratike kandidon Salvador Kaçajn. Lezha është ndër të paktat bashki që ka tre kandidatë, ku në garën elektorale është edhe Eduard Ndocaj, si kandidat i pavarur.

Janë hapur në orët e para të mëngjesit të sotëm qendrat e votimit edhe në qytetin e Durrësit. Votimi ka nisur i rregullt në të gjitha qendrat e votimit. Qytetarët e Durrësit votojnë sot për dy kandidatë, Valbona Sako nga PS dhe Valbona Sakollari nga Bindja Demokratike.

Ndërkohë, në Gjirokastër, në 4 qendrat e votimit të vendosura në shkollën e mesme “Siri Shapllo” kanë mbërritur në orën 07:00 votuesit e parë, duke çelur kështu procesin e votimit për vendoret 2019.

Edhe në qytetin e Fierit, në KZAZ numër 57 janë hapur qendrat e votimit dhe nuk është shënuar asnjë incident.

Po ashtu edhe në qytetin e Vlorës, kanë nisur të hidhen në kuti votat e para për zgjedhjet vendore 2019.

Deri më tani procesi është i qetë dhe në qendrat e votimit nuk janë shënuar vonesa në hapjen e tyre.

Në Vlorë, votohet për Dritan Lelin, i cili është edhe kryebashkiaku aktual, i zgjedhur i PS-së, dhe Valbona Mezini, e kandiduar nga Bindja Demokratike, një forcë e re politike e cila garon për herë të parë në zgjedhje./ CNA.al

Sot Shqipëria mban zgjedhjet vendore/ Çfarë pritet të ndodhë

Zgjedhjet lokale/ Hapen zyrtarisht qendrat e votimit

Fillon i qetë procesi i votimit/ Braçe apel komisionerëve