Analiza-Kryebashkiaku Hila nxjerr zbuluar Bashën për djegien e KZAZ-së

28 Qershor 2019, 13:51, Aktualitet CNA

Ditën e djeshme, u shënuan incidente të forta, në KZAZ nr.6 në Bushat, ku u dogjën materialet zgjedhore.

Akuzat e para direkt ranë mbi PD-në. Publikisht Arbjon Mazniku tha se autorët e zjarrvënies në KZAZ janë kryebashkiaku i Vaut të Dejës, Zef Hila, djali i tij dhe militantë të tjerë të PD-së.

Ndërkohë, sot ka reaguar edhe ministri i Brendshëm, Sandër Lleshaj, i cili doli publikisht dhe tha që e kanë bërë njerëzit e kryebashkiakut të Vaut të Dejës, Zef Hila, dhe se ai do të shkarkohet dhe do të mbajë përgjegjësi penale.

Menjëherë reagoi edhe kryeministri, i cili kreu procedurën e shkarkimit, në zbatim të ligjit.

Por, pas kësaj reagoi edhe Zef Hila, i cili tha se ai nuk ka qënë prezent por e ka bërë PD-ja, duke drejtuar gishtin nga Lulzim Basha.

Tani në fund, rreth orës 15:00, doli Lulzim Basha, i cili tha se shkarkimi i Zef Hilës ishte i padrejtë dhe se skenarin e djegies së KZAZ-së në Bushat e kishte bërë Edi Rama dhe Tom Doshi.

Tani, në këtë ?lojë ping-pongu?, ka vetëm një të vërtetë. Basha thotë e bëri kryeministri, Rama thotë se e bëri kryebashkiaku Zef Hila, ndërsa ky i fundit thotë se e bëri PD-ja.

Kush e dogji KZAZ-në?

Të gjithë po përpiqen ta heqin nga kurrizi i tyre. Basha të mos luajë publikisht rolin e budallait, sepse po bëhet edhe qesharak. Vetë kryebashkiaku i tij e ka akuzuar, se është PD-ja, ajo që ka bërë djegien e KZAZ-së. Mund të pranohet akuza e Bashës, se është skenari i Ramës apo Tom Doshit, pa asnjë diskutim. Dhe mund të ketë skenare të tilla nga PS-ja.

Por, kur vetë kryebashkiaku, përfaqësues i PD-së, thotë se e ka bërë PD-ja dhe se njerëzit janë të afërt të tij dhe punonjës të bashkisë, si mund të besojmë se është Edi Rama.

Do të ishte më mirë dhe më e besueshme të distancohej nga ai akt dhe të bënte thirrje publike, që të mos ketë incidente.

Por nga njëra anë bën thirrje që njerëzit të mos bien pre e provokimeve të Ramës, dhe nga ana tjetër militantët e Lulit, i vërsulen KZAZ-ve, pa folur pastaj për informacionet se po sillen njerëz nga Kosova dhe Maqedonia e Veriut, për të shkatërruar zgjedhjet.

Duke drejtuar gishtin te Rama, kreu i Republikës së re, nuk bën gjë tjetër, veçse shitjen e demokrateve. Këtë ka bërë sa herë ka incidente. Nuk shkon vetë, vetë ikën me vrap, ndërsa burgjet i ka mbushur plot me demokratë.

I dërgoi në Bushat, personat janë në burg dhe në kërkim, ndërsa vetë Luli del si bukurosh në media, duke akuzuar Ramën dhe duke i shitur militantët e PD-së si mall në tregun çam./ CNA.al

Incidenti në KZAZ/ Lleshaj merr vendimin ekstrem

Ekskluzive-Njerëz nga Kosova dhe Maqedonia për të prishur zgjedhjet në Shqipëri

Deklarata e fortë e Bashës/ Rama po kërkon viktima

Rama firmos shkarkimin e kryebashkiakut/ Do ndiqet penalisht

Lleshaj e shkarkoi Live/ Kryebashkiaku i PD i lë ?bombën? në dorë Bashës