web counter
LEXO PA REKLAMA!

SHKARKO APP

App Store
Google Play

E fundit!

x

Arben Skënderi e nxori zbuluar/ "Lali Eri" pranon dështimin  

28 Qershor 2019, 11:56, Aktualitet CNA

Erion Veliaj, i cili po kërkon mandatin e dytë për të udhëhequr Bashkinë e Tiranës, sigurisht me një varg skandalesh nga pas, do të ketë përballë me 30 Qershor Arben Skënderin, kandidatin e Bindjes Demokratike.

I ftuar në rubrikën “Opinion” në News 24, Veliaj ka pranuar se kritikat që ka bërë Skënderi gjatë fushatës kanë qenë me vend.

” Në të gjitha takimet konstatoj të njëjtën gjë. Nuk janë mbajtur premtimet dhe askush nuk po jep llogari. Veliaj po bën fushatë politike dhe nuk po jep llogari për premtimet e pambajtura. Veliaj po shkëputet nga banorët, por do ta shikoni sesi do të ndëshkohet me votë?, ka thënë gjatë fushatës Arben Skënderi.

Pas nxjerrjes zbuluar nga Skënderi, Veliaj është detyruar të pranojë dështimet e tij.

“Ai (Arben Skënderi) ka qenë në terren në të njëjtat lagje ku kemi kaluar dhe ne për të prekur realitetin dhe për të prekur disa kritika, të cilat qëndrojnë”, ka thënë Veliaj.

Veliaj ka një të kaluar të errët si kryebashkiak. Rasti që mund të thuhet se ka “përgjakur”, duart e tij ka qenë rasti i Ardit Gjoklajt.

Veliaj është akuzuar në vijimësi nga shoqëria civile për vrasjen e Gjoklajt.

Por, Veliaj, bashkë me skandalet dhe akuzat që mbart mbi supe, ka fytyrë dhe kërkon një mandat të dytë./CNA.al   





Lajmet e fundit nga