web counter
LEXO PA REKLAMA!

SHKARKO APP

App Store
Google Play

E fundit!

x

Valbona Sakollari një alternativë e re për Durrësin/ Ja çfarë premton për qytetarët

28 Qershor 2019, 11:49, Aktualitet CNA

Kandidatja e Bindjes Demokratike për Bashkinë e Durrësit, Valbona Sakollari është shprehur sot se Durrësi vijon të vuajë të njëjtat propbleme prej vitesh, problematika të cilat ajo i ka cilësuar jetike.

“Mandat pas mandati, Durrësi vijon të ketë të njëjtat problematika, të cilat janë jetike, si mungesa e kanalizimeve, uji i pijshëm, gjelbërimi dhe transporti urban. Dimensioni social, po ashtu lë shumë për të dëshiruar”-tha Sakollari, sot në A2 CNN.

Sa i takon forcë politike që ajo përfaqëson, Sakollari dhe se “Ne jemi një platformë e re, një propozim i ri serioz. Alternativa jonë është shumë afër qytetarëve. Vij nga një ekperiencë në menaxhim europian dhe sjell një model që i ka munguar qeverisjes lokale”.

Sa i takon rivales së saj, Valbona Sako, kandidate e PS-së, Sakollari tha se “Propozimi i ardhur është vazhdim i të njëjtit sistem. Është propozim i Dakos. E ka propozuar me forcë dhe e mbron me forcë”.

Gjithashtu Sakollari tha se Bindja Demokratike është pritur mirë në Durrës dhe se pritshmëritë janë të larta.

“Në Durrës është ndier gara, kam pasur pranimin e kandidaturës time dhe Bindjes Demokratike. Pranimi është bërë nga të gjitha ngjyrimet politike, vecanërsisht elektorali që nuk ndien përfaqësim apo zona gri, e cila ka nevojë për një alternativë të re dhe përfaqësim serioz”.

E pyetur nga gazetarja, se çfarë premton Sakollari për Durrësin, ajo tha se “Durrësi ka nevojë për ndryshim, është i etur për ndryshim dhe e shpreh këtë etjen për ndryshim. Unë ofroj një mënyrë të re të qeverisjes lokale dhe një administratë lokale që është në shërbim të qytetarëve. Ata do të jenë më të përfshirë, qoftë edhe nëpërmjet referendumeve, për të projetkuar Durrësin. Premtoj shumë punë për të pasur një Durrës, me gjërat më të domosdoshme”./ CNA.al





Lajmet e fundit nga