E fundit!

11:34 Politikë

Përplasje për reformën zgjedhore, PS i çon Kuvendit propozimin për shtyrjen e afatit

Procesi i reformës zgjedhore do të vijojë edhe në muajt e ...

Ekskluzive-Arta Marku blen apartament tek Komuna e Parisit?/ Ku i gjeti paratë Prokurorja e Përgjithshme e Përkohshme

27 Qershor 2019, 10:37, Aktualitet CNA

Prokurorja e Përgjithshme e përkohshme Arta Marku, po e shijon në të gjitha kuptimet postin që ka.

Madje për të realizuar ëndërrat e saj, Marku, po kërkon një mandat të plotë 7 vjeçar në krye të organit të akuzës.

CNA.al ka mësuar se e “përkohshmja” Arta Marku, ka porositur për blerje një apartament në një nga zonat më luksoze të Tiranës, ku çmimet variojnë nga 1000-1500 euro për metër katror.

Marku, thuhet se ia ka vënë syrin një apartamenti tek “Komuna e Parisit”, në një nga pallatet e ndërtuara nga kompleksi “Kika”, në këtë zonë.

Sipas informacioneve që ka grumbulluar CNA.al, Marku po blen shtëpi pranë vëllait të saj, i cili thuhet se është rezident i kompleksit Kika në Komunën e Parisit.

Vetëm mbi një vit në krye të Prokurorisë së Përgjithshme dhe Marku po ecën denjësisht në gjurmët e ish paraardhësit të saj Adriatik Llalla.

Në deklaratatat e pasurisë, Marku deklaron si burime të ardhurash vëtem pagën e saj dhe të bashkëshortit.

Por me hesapin e 17 muajve rrogë, nuk del llogaria për apartament, që thuhet se është me sipërfaqe 100 m2, në kompleksin Kika.

CNA.al ka disa pyetje për Arta Markun, që pretendon se ka dalë e pastër nga Vettingu.

A po blen apartament tek Komuna e Parisit në kompleksin Kika dhe kush ta paguan zonjë, këtë pasuri? Ku i gjete paratë për të blerë këtë apartament, kush t’i dhuroi?

Nëse vërtet do t’i bëhet Vetting siç thuhet për kohën që ajo ka qëndruar në krye të Prokurorisë së Përgjithshme, duhet kaluar në filtër edhe kjo pasuri që ia ka vënë syrin Arta Marku.

Është tejet i dyshimtë fakti, që nga kredia për shtydhëse frutash, Arta Marku, të kërkojë rezidencë në një nga zonat më luksoze të Tiranës.

Kujtojmë se Arta Marku e kaloi Vettingun në mënyrë të dyshimtë, ashtu siç u zgjodh në krye të organit të akuzës.

Risjellim në vëmendje se vitin 2003, ku ka bërë deklarimin e parë të pasurisë, Marku nuk zotëronte asnjë pronë, ndërsa më fund të vitit 2017, pasuria e shkonte në vlerën e 5.4 milionë lekëve.

Në viti 2004, ajo ka deklaruar vetëm një shtëpi banimi në pronësi të prindërve të saj, me sipërfaqe 55 metër katrorë.

Ndryshim bën deklarata e pasurisë në vitin 2007, ku Marku deklaron një apartament prej 103 metrash katrorë me një vlerë prej 5 milionë lekësh, në bashkëpronësi me bashkëshortin.

Ajo ka deklaruar edhe dy kredi afatgjata me vlerë 6.732.704 lekë deri më datë 11.07.2022, si dhe një tjetër kredi me vlerë 916.457 lekë për pesë vite. Në vitin 2012, Marku ka deklaruar 100 mijë lekë të kursyera nga të ardhurat në çift, të ardhurat si prokurore dhe pedagoge, përkatësisht në vlerat 1.400.461 dhe 61.560 lekë, si dhe pagën e bashkëshortit në vlerën prej 886.724 lekë./CNA.al

Kryeprokurorja e varfër/ Zbardhet pasuria e Arta Markut

Pazaret e Prokurores së Përgjithshme/ Zbulohet si e kaloi Arta Marku Vettigun