web counter
LEXO PA REKLAMA!

SHKARKO APP

E fundit!

x

"Me qetësi dhe dashuri"/ Rama mesazh Metës

27 Qershor 2019, 12:05, Aktualitet CNA

Kryeministri Edi Rama ka reaguar pas takimeve që presidenti Meta ka zhvilluar sot, me kreun e PD-së, Lulzim Basha dhe krerët e partive aleate.

Në një postim në rrjetet sociale, Rama e cilëson Presidencën, si seli të opozitës rrugore, sikurse i drejtohet ai opozitës jashtë parlamentit.

Ndërsa i drejton një mesazh të qartë Metës, se nuk do të tërhiqet nga 30 qershori, Rama i cilëson këto takime si karnavale politike.

“Zyrtare sot: Selia e opozitës rrugore është Presidenca e Republikës dhe udhëheqësi i katër galaktikëve të shtabit të revolucionit imagjinar për të mbrojtur me dhunë republikën e votën e popullit nga vetë populli, është vetë ai, Salvator Haxhi Qametaj. Çfarë karnevalesh politike?-shkruan Rama.

Më tej, Rama fton qytetarët që me “qetësi dhe dashuri?, t?i japin një mesazh të dielën.

“Qeshni me ta dhe me qetësi e dashuri t?u japim një mesazh kumbues të dielën,duke votuar ose mosvotuar,por duke qenë të gjithë bashkë në një mendje se Shqipëria s?mund të jetë kurrë, një shesh për përsheshin e gatuar tërë këta muaj, të cilin duhet ta hanë ata që na e servirën?-thekson Rama./ CNA.al





Lajmet e fundit nga