web counter
LEXO PA REKLAMA!

SHKARKO APP

App Store
Google Play

E fundit!

x

Anullimi i zgjedhjeve/ Meta gati dekretin me datën e re

27 Qershor 2019, 11:25, Aktualitet CNA

Presidenti Ilir Meta, pas vendimit për të shfuqizuar 30 qershorin, si datën për mbajtjen e zgjedhjeve vendore, duket se do të shkojë në një tjetër vendim, atë të dekretimit të datës së re për zgjedhjet.

Një ditë më parë, kreu i shtetit thirri në një takim kryetarët e partive kryesore politike në vend, ftesë e cila u refuzua nga kryeministri Edi Rama.

Por pavarësisht refuzimit, të Ramës, Meta ka shkuar në zyrë sot që në orën 05:00, të mëngjesit të sotëm, ku ka deklaruar se do ta presë kryeministrin deri rreth mesditës.

I pari që mbërriti sot në Presidencë, ishte kreu i PD-së, Lulzim Basha, i cili nuk pranoi të komentojë takimin me Metën.

Por, pas Bashës, Meta priti në zyrë edhe krerët e partive të tjera opozitare, aleate të PD-së, gjë që në fakt tregon se Meta ka gati një tjetër dekret, për një datë të re zgjedhjesh.

Një gjë të tillë e konfirmoi edhe kreu i LZHK-së, Dashamir Shehi, i cili në një prononcim për mediat pas takimit me Metën tha se ?në orët në vijim do të kemi një datë të re për zgjedhjet?./ CNA.al





Lajmet e fundit nga