E fundit!

11:05 Aktualitet

Aeroporti i Vlorës/ Pacolli: Vendimi i Gjykatës së Lartë tregon horrorin që është bërë mbi mua, u kërcënuam me jetë

Pas zbardhjes së vendimit të Gjykatës së Lartë për çështje...

Prova e parë/ Dështon ministrja e Ramës

27 Qershor 2019, 10:18, Aktualitet CNA

Gjatë punimeve të Asamblesë Kombëtare të PS në 28 dhjetor 2018, kryeministri Edi Rama bëri ndryshime drastike në qeveri, duke larguar nga kabineti tij 7 nga ministrat, të cilët i ka pasur bashkëpunëtorë të ngushtë.

Pjesë e ndryshimeve ishte edhe Ministria e Arsimit, në krye të së cilës Rama emëroi Besa Shaninin, e cila më parë kishte mbajtur detyrën e zv.ministres së Arsimit.

Por, pas rreth gjashtë muajsh që ka marrë detyrën e ministres, Besa Shahini kishte tani provën e saj të parë, që ishte Matura Shtetërore.

Por, sikurse CNA.al e ka raportuar, Matura Shtetërore rezultoi në fakt prova e parë e dështimit të Ministres së Ramës.

CNA.al në vazhdimësi ka denoncuar vonesat gjatë korrigjimit të testeve si dhe të tjera skandale që kanë shoqëruar provimet e Maturës Shtetërore.

Akuzat për daljen e testit, korrigjimi skandaloz dhe vonesat në nxjerrjen e rezultateve, janë disa nga skandalet e denoncuara, të cilat janë prova të dështimit të Besa Shahinit.

Për më tepër, sa i takon testit të Letërsisë, CNA.al ka vëzhguar rezulutatet në disa prej gjimnazeve kryesore në Tiranë, ku vetëm 22 nxënës janë vlerësuar me notën 10, gjë e cila tregon dukshëm se kanë ditur paraprakisht tezën.

Një tjetër fakt skandaloz, është se ministrja ka përfshirë në procesin e kontrollit të testeve të maturës, mësues të sistemit të arsimit 9-vjeçar.

Kjo do të thotë që testet e Maturës, vlerësimi i të cilave është jetik për maturantët pasi është dominues në zgjedhjet e tyre për arsimin e lartë, janë lënë në duar të mësuesve që me gjithë deshirën e mirë, nuk kanë kapacitetin të kontrollojnë saktësinë e përgjigjeve.

Rezultati i provimeve është dhënë me vonesë, dhe gjithçka është bërë me urdhër të Ministres së Arsimit, Besa Shahini, duke penguar kështu maturantët që të arrijnë të aplikojnë në kohë për studime në shtete të tjera.

Edhe pse Shahini tentoi ta justifikojë, duke thënë se kishte rënë sistemi, në fakt e vërteta rezultoi krejt ndryshe. Ishte vetë ministrja e Ramës, ajo që kishte urdhëruar që notat e provimit të Letërsisë, të publikoheshin me vonesë.

Këto janë provat e dështimit të Ministres së Ramës, vetëm gjashtë muaj pasi mori detyrën./ CNA.al

Ministrja e Ramës përfshihet sërish në skandal/ Si dështoi Matura Shtetërore

Skandali me testet e Maturës/ Zbardhen të tjera detaje

Ministrja e Arsimit teston mësuesit e 9-vjeçares, me testet e maturantëve

Skandali me provimet/ Ja si ministria e Arsimit pezullon maturantët për shkollim jashtë vendit

Ministrja e Arsimit teston mësuesit e 9-vjeçares, me testet e maturantëve

Ministrja e Ramës përfshihet sërish në skandal/ Si dështoi Matura Shtetërore