web counter
LEXO PA REKLAMA!

SHKARKO APP

App Store
Google Play

E fundit!

x

Ylli Manjani thirrje Ramës/ “Tolero, sillu si Kryeministër”

27 Qershor 2019, 09:08, Aktualitet CNA

Ish-ministri i drejtësisë në qeverinë ?Rama 1?, Ylli Manjani i ka bërë thirrje kryeministrit Edi Rama që të tolerojë dhe të mos sillet si kryetar partie por si kryeministër.

Ndër të tjera, Manjani shkruan në rrjetet sociale se Rama duhet t?u jap shqiptarëve një datë të re zgjedhjesh që që të mund të fitojë respektin e tyre.

“Tërhiqu nga projekti pa krye i kësaj të diele! Është krejt pa kuptim dhe me kosto të lartë për vendin” ka thënë Manjani duke iu drejtuar kryeministrit Rama.

Postimi i plotë i Ylli Manjanit

Kryeministër!

Tolero!

Ti i pari! Më shumë se kushdo tjetër, të takon!
Tërhiqu nga projekti pa krye i kësaj të diele!

Është krejt pa kuptim dhe me kosto të lartë për vendin.

Nuk është e thënë të pranosh Ilir Metën President, pavarësisht se vetë e zgjodhe.

Nuk ke pse pranon edhe kushtet e kundërshtarëve politikë, po nuk deshe.

Po ke detyre të tolerosh! Të bësh çdo gjë edhe jashtë mundësive për të krijuar një mjedis paqsor të paktën.

Çështjet e demokracisë i debatojmë e i zgjidhim vetëm në mjedis paqsor. Por paqen e ke detyrë ta garantosh. E paqen nuk e garanton ushtria e as policia shqiptare kundër shqiptarëve!!!

Jepu Ti, jo Presidenti, shqiptarëve një datë të re zgjedhjesh. Jepe këtë datë si shprehje tolerance, si mundësi për bashkëpunim e jo përçarje.

Sillu si Kryeministër, jo si kryetar partie.

Bëje këtë gjë që të meritosh vemendje e respekt, pavarësisht sa votohesh në të ardhmen./CNA.al





Lajmet e fundit nga