web counter
LEXO PA REKLAMA!

SHKARKO APP

App Store
Google Play

E fundit!

x

Vettingu "rrëzon" Alketa Nushin/ Zbardhet skandali i Arta Markut dhe "bandës" së saj në KLP

27 Qershor 2019, 09:35, Aktualitet CNA

Sot, Komisioni i Pavarur i Kualifikimit ka shkarkuar , drejtuesen e Prokurorisë së Kukësit, Alketa Nushi.

Kjo e fundit, ishte pjesë e “klanit” të Arta Markut dhe një nga të vlerësuarat e saj.

Me marrjen e detyrës si Prokurore e Përgjithshme e përkohshme, Arta Marku e emëroi Nushin në krye të Prokurorisë së Kukësit, në vend të Artur Ismailukajt.

Madje edhe pranë Komisionit të Vettingut, Arta Marku ka dërguar raport pozitiv për Alketa Nushin bashkë me “bandën” e saj në KLP.

“Prokurorja Alketa Nushi ka marrë raport pozitiv nga Këshilli i Lartë i Prokurorisë si dhe vlerësime ?shumë mirë? nga Prokuroria e Përgjithshme”, u tha në seancën dëgjimore për Nushin në KPK.

Si shpjegohet që subjektet që i vlerëson “shumë mirë”, Prokurorja e Përgjithshme e përkohshme Arta Marku, shkarkohen nga Vettingu?

Marku, në mënyrë të dyshimtë arriti t’i shpëtonte vetë Vettingut, por mikeshat e saj po i ikin nga duart.

Në të gjithë organin e akuzës, thuhet se Markun e kaluan nga Vettingu, ata që e emëruan, por të njëjtën gjë duket se nuk mund ta bëjnë për të gjithë “klanin’ e saj, që ajo pasi i ka vlerësuar me poste i vlerëson “shumë mirë” edhe me raporte.

Njërën nga mikeshat e saj Donika Prelën, ata që emëruan Markun tentuan ta shpëtonin dhe nuk dihet se si do të rezultojnë tentativat e radhës në KPA, në fazën e dytë të Vettingut.

Rasti i Alketa Nushit, e cila u shkarkua sot, hedh dritë se si funksionojnë klanet në drejtësi.

Një prokurore e vlerësuar “Shumë mirë”, bie në Vetting.

A duhet të japë llogari Arta Marku dhe “banda” e saj në KLP, për këtë rast dhe raste të tjera që rrëzohen nga Vettingu, pasi ata i kanë ngritur në qiell.

Vlerësimi “shumë mirë” i Arta Markut, për Alketa Nushin, tregon se kush i udhëheq prokuroritë në rrethe, prokurorinë e Krimeve të Rënda dhe sigurisht Prokurorinë në Tiranë.

Janë pikërisht emërimet e Arta Markut, që pjesa më e madhe e tyre, nuk kanë mundur të kalojnë Vettingun.

Alketa Nushi jashtë sistemit të drejtësisë

Ishte kryesuesi i trupës gjykuese në KPK, Lulzim Hamitaj që komunikoi drejtpërdrejt shkarkimin e drejtueses së Prokurorisë së Kukësit, Arta Marku.

Sipas raportit të ILDKPKI-së, prokurorja Nushi nuk kishte kryer deklarim të saktë.

Sipas relatorit Lulzim Hamitaj, Nushi zotëronte pjesë takuese në 3 sipërfaqe toke në Mifol të Vlorës si dhe një apartament 70 m2 të blerë në vitin 2008 në Kashar të Tiranës në vlerën e 32 800 eurove.

Sa i përket pronësisë mbi tokën, sipas Hamitajt, kishte mospërputhje mes deklarimit të vitit 2008 dhe deklaratës ?veting? me një diferencë prej 177 metrash më shumë në deklarimin e fundit.

Gjithashtu KPK kishte konstatuar se në vitin 2017, Nushi kishte deklaruar pjesë takuese edhe mbi një sipërfaqe prej 250 m2 truall, e cila nuk rezultonte në deklaratat e mëparshme.

Sipas relatorit Lulzim Hamitaj, ky rast konisderohet i rrallë.

Pasi  është konstatuar se vlera e të ardhurave ka qenë më e madhe nga ato të deklaruara, konkretisht në shumën 1.8 milionë lekë.

Alketa Nushi u gjet me probleme edhe sa i përket pastërtisë së fugurës.

Raporti i parë i DSIK kishte qenë pozitiv për të, por më pas kishte ndryshuar konstatimin, pas një informacioni të ri të marrë në korrik 2018, duke e konsideruar atë të papërshtatshme./CNA.al

 

 





Lajmet e fundit nga