web counter
LEXO PA REKLAMA!

SHKARKO APP

App Store
Google Play

E fundit!

x

Tensionet politike/ Zbardhet vendimi i aleatëve të Bashës

25 Qershor 2019, 17:52, Aktualitet CNA

Grupimi i Qendrës së Djathtë u kërkon shqiptarëve që të mos votojnë në datën 30 qershor.

Ky grupim është shprehur me anë të një deklarate, se zgjedhjet e 30 qershorit janë antidemokratike, antikushtetuese dhe në shkelje me dekretin e presidentit Ilir Meta.

Ata inkurajojnë Aleancën Qytetare për Mbrojtjen e Demokracisë të vijojë misionin e saj legjitim, dhe shqiptarët  të mos pranojnë këtë farsë zgjedhore, që kërcënon dukshëm pluralizmin politik.

Deklarata e Grupimit të Qendrës së Djathtë

Të nderuar qytetarë, si rrallëherë në këto tri dekada, vendi ndodhet në një udhëkryq të rrezikshëm që kërcënon një arritje të shenjtë për çdo popull: Pluralizmin politik.

Në kundërshti totale me ligjin dhe me dekretin e Presidentit, tashmë të botuar në fletoren zyrtare të Republikës së Shqipërisë, përfaqësuesit e ?Rilindjes? vijojnë moskokëçarës projektin e tyre për zgjedhje monopartiake.

Fasada institucionale me të cilën kanë veshur kapjen e tri pushteteve, legjislativ, ekzekutiv dhe gjyqësor, po përdoret për të simuluar ligjshmërinë në sytë e qytetarëve shqiptarë dhe të huaj.

Përballë kësaj organizate, vlerat morale të së cilës u shpalosën qartë në sytë e gjithë botës nga përgjimet e publikuara nga gazeta gjermane Bild, e vetmja alternativë është qëndresa qytetare.

Për këtë arsye, Grupimi i Qendrës së Djathtë, në unison me opozitën e bashkuar, i bën thirrje qytetarëve shqiptarë të mos bëhen pjesë e procesit farsë të 30 Qershorit dhe të refuzojnë me neveri votime antikushtetuese dhe antidemokratike.

Ne inkurajojmë Aleancën Qytetare për Mbrojtjen e Demokracisë të vijojë misionin e saj legjitim, për të bërë, as më shumë dhe as më pak sesa atë që bëjnë të gjithë popujt liridashës, nga të cilët ne frymëzohemi kur demokracia është në rrezik!/CNA.al





Lajmet e fundit nga