“Gajasje në kohëra kolere”/ Artan Fuga: Kodi Zgjedhor i mbushur me budallalliqe

25 Qershor 2019, 16:54, Aktualitet CNA

Akademiku dhe studiuesi Artan Fuga e quan “tallje” dhe “gajasje” Kodin Zgjedhor, që sipas tij nuk rregullon problemet e vërteta të konfliktit të interesit lidhur me anëtarët e KQZ, por merret me ?krushqi të afërta?.

“Anëtari i KQZ-së nuk merr pjesë në shqyrtimin e një çështjeje kur ka marrëdhënie krushqie të afërt ose gjinie, deri në shkallë të katërt, me ndonjë nga kandidatët që kanë paraqitur ankim në KQZ…”,- shkruhet në postimin që Fuga ka bërë në rrjetet socliale.

Ky nen në Kodin Zgjedhor është një budallallik i vërtetë, shkruan Fuga, ndërsa tallet edhe më tej kur shkruan: “krushqi e afërt, por sa e afërt more, deri në ça shkalle e masni dashurinë mes krushqive”.

Postimi i plotë i Artan Fugës

Gajasje në kohëra kolere

————–

Për qëllimet e një libri që botohet në shtator, po studjoj edhe kodin zgjedhor. Mbushur me budallalliqe. Kapeni një dhe do të shkriheni gazit:

Neni 17,
pika 3:

Anëtari i KQZ-së nuk merr pjesë në shqyrtimin e një çështjeje kur :

Me të vdek gazit në këtë kohë kolere, zije, mërzije dhe prapësisë, kur Shqipëria lëngon.

Kanë frikë ata nga krushqitë. Se mos kunata i bën baxhanakut ndonjë favor!!!

Hahaha me lotë, me lotë!

Këtu i nxjerr sytë kunata-kunatës, vjehërra-nuses, vëllai-djalit të tezes së motrës, këta te krushqitë e paskan hallin! Aman ore se mos ka ndonjë konflikt interesi!!!

Krushqi e afërt – thotë.

Aman sa e afërt more aman?

Deri në cfarë shkalle ndihet vlaga e dashurisë midis krushqive???
Kanë ndonjë termometër?

O çfarë talljeje kanë bërë!!!

Dhe sidomos lidhje gjinie deri ne shkallë të katërt të mos kenë! Hahaha. Kush i njeh më këtu kushërinjtë e katërt mo?

Po sikur të jetë kandidati shok i ngushtë me djalin e tezes sime? Jo këtu nuk ka gjë fare! Shikoni ku kanë ngelur, u ka ngelur ora në kohën kur lidhja familjare ishte lidhja më e fortë.

Këtu ortaku me ortakun janë më shumë se vëllamë kur i lidhin interesat!
Këtu kandidati që është i partisë sime dhe më gjen një vend pune është shkuar vëllait!
Këta thonë se mos ka ndonjë lidhje KQZ me ndonjë kushuri të katërt!
Këta janë karagjozë, estradë!

Këta i zgjedhin antarët e kqz-së nga partitë politike, nga më të besuarit, dhe kanë merak, i ha meraku, se mos ka ndonje çun halle kandidat dhe bën kleptomani a si i thonë !!!

Por kur kandidati është vëllai i kryetarit të partisë, është djali i hallës i shefit, kunata e pronarit të gruas të kqz-së!

Hahahaha!

Qesh në kohë kolere, qesh! /CNA.al