"Puno që të kesh, çfarë të vjedhësh"/ Arben Skënderaj nxjerr zbuluar Veliajn

25 Qershor 2019, 14:37, Aktualitet CNA

Kandidati i Bindjes Demokratike, Arben Skënderaj, ka folur lidhur me fushatën zgjedhore që po zhvillon në Tiranë dhe mbi problematikat e shumta që ka politika në vendin tonë.

Skënderaj nuk i kurseu kritikat edhe për qeverisjen aktuale vendore dhe kreun e bashkisë, Erion Veliaj duke thënë “Teoria është kjo, puno që të kesh ça të vjedhësh. Janë mbledhur këto lekë. Si i janë kthyer komunitetit? Premtohet parajsa por njerëzit jetojnë si në ferr.”

Skënderaj në fjalën e tij në Report Tv, preku problematikat e qytetit të Tiranës, ku përmendi atë që është edhe më kryesori, uji i pijshëm duke theksuar se në shumicën e qytetit nuk ka ujë 24 orë dhe se ky ujë nuk është i pijshëm.

Ndër të tjera Skënderaj theksoi gjithashtu edhe faktin se ka shumë probleme në infrastrukturë, si dhe në transportin urban.

?Kam folur me qytetarët dhe kam konfirmuar se në Tiranë, shumë zona nuk kanë ujë 24 orë. Por mbi të gjitha uji nuk është i pijshëm, ndërsa në televizion thuhet se

Infrastruktura, ku është? Janë ndërtuar vetëm disa korsi biçikletash. Po transporti urban, janë rritur çmimet por nuk është përmirëzuar shërbimi.

Bëhet pak punë. Teoria është kjo, puno që të kesh ça të vjedhësh. Janë mbledhur këto lek si i janë kthyer komunitetit. Premtohet parajsa por njerëzit jetojnë si në ferr.

Ndërtohet një kullë aty afër, dhe në pak metra katror vendosin disa lodra duke thënë se i shërbejnë publikut por në fakt i shërbejnë pronarit të kullës.

Pra shihen fonde publike të mbledhura, por unë nuk e shoh se si u kthehen këto para qytetarëve.

Qytet arna-arna dhe lara-lara se ndërtohet pa karar dhe nuk ka estetikë asgjë.

Nuk do të ketë më kryetar bashkie Supermen, që mbjell pemë dhe bën aq shumë punë në të njëjtën kohë dhe prap ka kaq shumë kohë të dalë në television. Nuk mund të merren vendime të mëdha për qytetin nëse nuk përfshihen qytetarët, pra do të vendosen me anë të referendumeve, pra me mendimin e qytetarëve.

Ka ardhur koha që gjërat të funksionojnë me ndershmëri dhe ka ardhur koha që të administrohet qyteti nga njerëz normal, dhe të ndaloj korrupsioni sepse cdo gjë ka shkuar në gradën zero. Nëse nuk del askush do të kemi mbi kokë persona që na trajtojnë keq sepse të ndershmit nuk dalin në sipërfaqe dhe nuk marrin përgjegjësi. Prandaj unë do t?i shkojë deri në fund.? ka thënë Skënderaj në fjalën e tij./CNA.al