web counter
LEXO PA REKLAMA!

SHKARKO APP

App Store
Google Play

E fundit!

x

Jeni të "dashuruar" pas kafes? Studimi i ri tregon se mund të pini 25 filxhanë në ditë

3 Qershor 2019, 11:25, Aktualitet CNA

Shume njerëz në botë janë të fiksuar pas pirjes së kafes duke e ekzagjeruar ndonjëherë dhe duke pasur pasoja me zemrën.Shumë studime të mëparshme sugjeronin se kafeja rëndon gjendjen e arterieve, duke i ngurtësuar ato aq sa të shtojnë presionin e gjakut në zemër, madje duke shtuar edhe gjasat për një atak kardiak, ndaj dhe kafedashësit ishin paralajmëruar të kufizonin konsumin.

Por sipas një studimi nga Universiteti ?Queen Mary? i Londrës të cilët i ndanë 8.412 personat në tri grupe përgjatë studimit anembanë Britanisë së Madhe ,doli në përfundimin se 5 filxhanë kafeje në ditë, madje edhe deri në 25 të tilla, nuk shkaktojnë asnjë dëm për arteriet, krahasuar me ata që konsumojnë një apo asnjë filxhan në ditë.

Pjesëmarrësve në këtë testim iu kryen skanime ?MRI? të zemrës, si dhe teste të pulsit të rrahjeve të zemrës, ndërsa rezultatet pretendohen të vërteta edhe pas shqyrtimit të faktorëve të tillë si mosha, pesha apo statusi i duhanpirjes.

Grupi i parë konsumonte më pak se një filxhan kafeje në ditë, grupi i dytë konsumonte 1-3 filxhanë kafeje në ditë, ndërsa i treti më shumë sesa 3. Por, një pjesë e këtij të fundit konsumuan deri në 25 filxhanë kafeje në ditë. Gjithsesi, mesatarja e konsumit të kafesë në këtë grup ishte 5 filxhanë në ditë.

Studiuesit zbuluan se, edhe ata që pinë deri në 25 filxhanë kafeje në ditë nuk kishin gjasa të pësonin efekte anësore në arterie, krahasuar me ata që pinin më pak se një filxhan në ditë të grupit të parë.

Burimi:https://www.theguardian.com/food/2019/jun/02/up-to-25-cups-of-coffee-a-day-safe-for-heart-health-study-finds





Lajmet e fundit nga