web counter
LEXO PA REKLAMA!

SHKARKO APP

E fundit!

x

Foto-Vidhet Kisha Orthodhokse në Durrës

3 Qershor 2019, 10:33, Aktualitet CNA

Një vjedhje ka ndodhur natën e djeshme në lagjen numër 3 në Durrës. Vjedhja ka ndodhur në Kishën Ortodokse ndërsa mësohet se hajdutët kanë marrë donacionet që kanë bërë besimtarët në arkën e kishës.

Nuk dihen ende detaje lidhur me shumën e vjedhur apo me identifikimin e autorëve të kësaj vepre të shëmtuar.

Ndërkohë ka reaguar Kisha Orthodhokse “Apostull Pavli dhe Shën Asti”, Durrës, e cila deklaron se “Sot datë 03.06.2019 Katedralja ?Apostull Pavli dhe Shën Asti? është përdhosur dhe bastisur nga persona të panjohur, duke dëmtuar arkën e qirinjve dhe të besimtarëve. Është për të ardhur keq që objektet e kultit bëhen objekte abuzimi dhe përdhosjeje.

Këto ngjarje tronditin ndërgjegjen e besimtarëve orthodhoksë, por edhe të gjithë atyre qytetarëve të ndershëm, të cilët respektojnë shenjtërinë e objekteve të kultit, pavarësisht se kujt komuniteti fetar i përket.

Përsa ndodhi u njoftuan organet e rendit, të cilat kryen mbledhjen e provave për zbardhjen e ngjarjes.

?Fali, o Atë, se nuk dinë se ç?bëjnë? (Lk.23:34)! Lutemi që Perëndia t?i ndriçojë dhe t?i mëshirojë këta persona keqbërës.”/CNA.al





Lajmet e fundit nga