web counter
LEXO PA REKLAMA!

SHKARKO APP

App Store
Google Play

Tërmeti/ Ankohen banorët e Korçës: Jemi pa bukë, kemi ftohtë!

3 Qershor 2019, 10:44, Aktualitet CNA

Në Korçë vazhdon të jetë një situatë e vështirë për banorët e tre fshatrave që u goditën nga tërmeti. Banorëve që janë vendosur në çadra, thonë se reshjet e shiut kanë krijuar edhe më shumë probleme dhe vështirësi ndërsa shton se nuk kanë as bukë.

Ata kërkojnë që të shpallet gjendja e emergjencës dhe të vendosen në institucione, pasi në çadër nuk e përballojnë dot më, raporton Report Tv. “Po na lënë pas dore, këtu nuk ka ardhur mëngjesi akoma, ndërsa një pjesë thonë se po hanë edhe qentë, ndërsa këtu akoma jemi pa mëngjes. Nuk na kanë thënë jo për zhvendosje, por as se cfarë do të bëhet me shtëpitë tona” tha njëri nga banorët.

“Bukën e kemi blerë vetë, askush nuk ka sjellë asgjë, ora 12:00. Gjatë natës kemi pasur të ftohtë, sidomos fëmijët, nuk kemi as rroba për t’i ndërruar. Fëmijët kanë pasur probleme si pasojë e të ftohtit”, ka thënë një grua. “Ftohtë ka qenë, kuverta nuk kemi pasur aq, ushqimet…sot nuk kemi. Nga mëngjesi deri tani nuk kemi konsumuar asgjë” tha një tjetër.

“Ne kërkojmë të shpallet gjendja e emergjencës. Për shëndetësinë nuk kemi se cfarë të themi. Në çadër në çadër por të kemi ushqim” ka thënë një banor tjetër./CNA.al





Lajmet e fundit nga