web counter
LEXO PA REKLAMA!

SHKARKO APP

App Store
Google Play

Kriza politike/ Apeli i fortë i Kishës Orthodhokse Autoqefale

3 Qershor 2019, 08:56, Aktualitet CNA

Kisha Orthodhokse Autoqefale e Shqipërisë ka reaguar në lidhje me situatën politike në vend.

Në një deklaratë për mediat, Kisha Orthodhokse Autoqefale e Shqipërisë deklaron se ashpërsimi i konfliktit mund të sjellë pasoja shumë të rënda për të tashmen dhe të ardhmen të Shqipërisë.

Kisha Orthodhokse Autoqefale e Shqipërisë thotë se do të lutemi në të gjitha kishat që Perëndia i paqes dhe i urtësisë të inkurajojë të gjithë ata që kanë përgjegjësinë e drejtimit të vendit, që të ndërgjegjësohen për rëndësinë e detyrës, me të cilën janë ngarkuar, të gjejnë rrugën e pajtimit dhe të mirëkuptimit dhe të ofrojnë zgjidhje konkrete për të gjitha problemet, për të mirën e vendit dhe të popullit tonë.

 Deklarata e plotë:

Duke e ndjekur me kujdes situatën konfliktuale politike që është krijuar në vendin tonë kemi shpresuar se palët, nëpërmjet një përpjekjeje dhe mirëkuptimi të ndërsjellë, do të gjenin një zgjidhje, të pranueshme për të gjithë.

Por, me keqardhje po shikojmë se rruga e pajtimit dhe e mirëkuptimit sapo vjen dhe po ngushtohet, duke rrezikuar kështu ashpërsimin e konfliktit, i cili mund të sjellë pasoja shumë të rënda për të tashmen dhe të ardhmen të Shqipërisë .

Prandaj, me shqetësim të madh dhe përulësi, do të lutemi në të gjitha kishat që Perëndia i paqes dhe i urtësisë të inkurajojë të gjithë ata që kanë përgjegjësinë e drejtimit të vendit, që të ndërgjegjësohen për rëndësinë e detyrës, me të cilën janë ngarkuar, të gjejnë rrugën e pajtimit dhe të mirëkuptimit dhe të ofrojnë zgjidhje konkrete për të gjitha problemet, për të mirën e vendit dhe të popullit tonë./ CNA.al





Lajmet e fundit nga