web counter
LEXO PA REKLAMA!

SHKARKO APP

App Store
Google Play

E fundit!

x

Mblidhet task-forca antikanabis në Shkodër/ Ademi: Fokusi kryesor nxënësit

31 Maj 2019, 13:28, Aktualitet CNA

Është zhvilluar mbledhja e rradhës e Task- Force Antikanabis për Qarkun e Shkodrës, ku e pranishme ishte edhe kryetarja e Bashkisë, Voltana Ademi.

Ademi në fjalën e saj ka theksuar se Bashkia Shkodër dhe strukturat e saj, në formë kapilare, janë angazhuar maksimalisht për sensibilizimin e banorëve për kanabisin, rreziqet që vijnë sidomos për moshat e reja.

Sipas saj, fokusi kryesor ka qenë brezi i ri, moshat shkollore, veçanërisht nxënësit e shkollave të mesme.

Veç kësaj, takime janë zhvilluar edhe në njësitë administrative dhe në qendra komunitare.

?Koordinimi dhe bashkëpunimi në mes administratorëve dhe kryepleqve me punonjësit e policisë, ka qenë prioritet dhe është përmbushur në nivele të kënaqëshme.

Njerëzit janë bindur se kultivimi dhe tregtimi i binëve narkotike, është një krim, i cili ndëshkohet nga forca e ligjit. Nga ana tjetër, lëndët narkotike shkatërrojnë jetën e atyre që i kultivojnë dhe atyre që i konsumojnë.

Angazhimi i Bashkisë Shkodër këto dy vite, ka qenë maksimal me të gjitha strukturat dhe duhet thënë se në këtë periudhë, fenomeni është minimizuar ndjeshëm. Këtë e vërtetojnë edhe informacionet periodike të Policisë së Shkodrës.?-ka thënë ndër të tjera kryebashkiakja Ademi.

Më tej, ajo theksoi se edhe materialet propogandistike, posterat dhe flete- palosjet, sensibilizimi përmes rrjeteve sociale nga ana e Bashkisë Shkodër, mendojmë se kanë qenë efikas dhe ka patur rezultat.

Po ashtu ajo evidentoi se ?lufta kundër kultivimit dhe trafikimit të kanabis sativa është një përpjekje që duhet të vazhdojë, por e themi me bindje, se të gjithë bashkë, po ecim në drejtimin e duhur për frenimin deri në zhdukje të fenomenit.?/CNA.al





Lajmet e fundit nga