web counter
LEXO PA REKLAMA!

SHKARKO APP

App Store
Google Play

E fundit!

x

Letra drejtuar KE për vizat/ Ambasada holandeze jep lajmin e mirë për shqiptarët

31 Maj 2019, 11:58, Aktualitet CNA

Ambasada e Holandës në Tiranë ka publikuar një njoftim zyrtar për të gjithë shqiptarët menjëherë pas letrës që qeveria e tyre i ka dërguar Brukselit, në të cilën kërkohej rivendosja e regjimit të vizave për shqiptarët.

Ambasada ka qetësuar shqiptarët duke thënë se çdo gjë do të vazhdojë siç ka qenë deri në marrjen e një vendim nga ana e Komisionit Europian.

NJOFTIMI I AMBASADES

Parlamenti Hollandez i kërkoi Qeverisë hollandeze në datën 16 Prill të aktivizonte mekanzimin e pezullimit të vizave për Shqipërinë për shkak të shqetësimeve në lidhje me krimin e organizuar.
Për ta ekzekutuar këtë mocion, qeveria Hollandeze i dërgoi një letër njoftuese Komisionit Europian në datën 31 Maj.

Në këtë letër, Komisionit i kërkohet të shqyrtojë informacionin e dërguar nga Hollanda dhe në konsultim me vendet anëtare të vendosë në lidhje me nevojën për të vepruar.

Hollanda e vlerëson bashkëpunimin konstruktiv dhe të vazhdueshëm me qeverinë dhe autoritetet shqiptare në luftën kundër krimit të organizuar. Të dyja vendet po punojnë në fuqizimin e mëtejshëm të këtij bashkëpunimi.

Në vijim të letrës njoftuese, Komisioni Europian do të vlerësojë nëse do të ketë nevojë për të ndërmarrë veprim. Komisoni do të informojë Parlamentin Europian dhe Këshillin Europian mbi rezultatet e këtij vlerësimi.

Deri në një njoftim tjetër, politika e vizave për nënshtetasit shqiptarë do të mbetet e njëjtë: qytetarët shqiptarë mbajtës të një pashaporte biometrike nuk kanë nevojë për viza për të udhëtuar në zonën Shengen për maksimumi 90 ditë brenda një periudhe prej 180 ditësh./CNA.al





Lajmet e fundit nga