web counter
LEXO PA REKLAMA!

SHKARKO APP

App Store
Google Play

Basha fsheh oligarkët dhe pronarët e mediave që mbajnë gjallë kufomën e Ramës

31 Maj 2019, 19:18, Aktualitet CNA

Një nga temat e qena prezente në fjalimin që kryetari i Partisë Demokratike, Lulzim Basha, mbajti përpara elektoratit të zonës së ish Kinostudios ishte dhe denoncimi i korrupsionit dhe aferave në të cilat është zhytur qeveria.

Këtë të fundit, me kryeministrin Edi Rama në krye të saj, Basha e ka etiketuar “bandë që vetëm qeveri nuk është”, sikurse ai u shpreh.

Artikulimi i tij në adresim të mënyrës korruptive si po qeveris Rama, ishte shumë i ashpër, megjithatë anonim. Pasi, si dhe herë të tjera, Basha nuk nxorri asnjë emër të atyre që i etiketon si “oligarkë,” “pronarë mediash” e “kriminelë” me të cilët Rama e ka lidhur fatin e tij politik dhe që e mbajnë në këmbë kufomën e tij politike.

“Ja ku na çon makutëria, babëzia, kriminaliteti i një bande që vetëm qeveri nuk është. Dhe pse na çon këtu? Sepse nuk erdhi si produkt i votës së lirë, se nuk e ka lidhur fatin as me qytetarët e Tiranës, as të Balldrenit e as të Milotit, as të Konispolit, as të Orikumit. E ka lidhur fatin me këta 6 apo 7 oligarkë, me disa pronarë mediash që qendrojnë pas tyre e nganjëherë edhe para tyre, dhe me një grusht kriminelësh. Këta janë doktorët që e mbajnë në këmbë kufomën politike të Edi Ramës, këta janë serumi që e mban akoma në koma organizatën kriminale të ?Rilindjes?,- ka vlerësuar kryetari i opozitës duke e lenë në anonimitet denoncimin. /CNA.al





Lajmet e fundit nga