web counter
LEXO PA REKLAMA!

SHKARKO APP

App Store
Google Play

E fundit!

x

12 kandidatë në garën për Kryeministër të Britanisë

31 Maj 2019, 16:22, Aktualitet CNA

Dorëheqja e kryeministres britanike, Theresa May, ka hapur garën për zvendësimin e saj, midis 12 pretendentëve që e dëshirojnë këtë post.

Sikurse njoftojnë mediat britanike njoftimi i sotëm i kandidaturës së Mark Harper, një deputet konservator, i cili votoi pro qëndrimit të vendit në BE në 2016 e shpie në 12 numrin e të tillëve.

Në pamundësi të zbatimit të Brexit, planifikuar më 29 Mars, por që u shty më 31 Tetor ose edhe për më vonë, Thereza May njoftoi të premten e kaluar dorëheqjen e saj të parevokueshme.

Ajo do të lërë funksionet më 7 Qershor, por do të ndërmjetësojë periudhën tranzitore deri sa anëtarësia e partisë që drejtonte të zgjedhin, deri më 20 Korrik, pasuesin e saj.

Sipas ?Daily Telegraph?, Mark Harper, 49 vjeç, është i vetmi nga 12 kandidatët që nuk ka qenë pjesë e kabinetit qeverisës së Theresa May.

?Ne kemi parë të njëjtët persona të thonë të njëjtat gjëra këto tre vite?, – pohon ai për të përditshmen konservatore.

Deputeti, një figurë pak e njohur për publikun kritikon faktin se disa kandidatë në garë, duke nisur nga kandidatura më favorite Boris Johnson janë shumë pro një Brexit pa marrëveshje më 31 Tetor. “Ky skenar do të kishte pasoja të rënda për biznesin dhe ekonominë?,- thotë ai.

Çështja e Brexit po luan një rol kyç në garën e pasuesit të May. /CNA.al





Lajmet e fundit nga