web counter
LEXO PA REKLAMA!

SHKARKO APP

App Store
Google Play

E fundit!

x

Fund abuzimit e korrupsionit/ Maqedonia e Veriut fut doganat digjitale

31 Maj 2019, 17:45, Aktualitet CNA

Duke filluar nga data 01 Qershor doganat në Maqedoninë e Veriut do të jenë dixhitale. Lajmi e bëjnë të ditur mediat e këtij shteti se sistemi digjital do të funksionojë për përpunimin e deklarimeve doganore dhe dokumenteve të akcizës (SDPDDA). Të gjitha deklaracionet e eksportit pas mesnatës, dorëzohen në SDPDDA, njofton “Tetova Sot” që duke ju referuar burimeve nga administrata doganore, vijon të thotë se kanë bërë përparim të madh në arritjen e vizionit të tyre dhe se janë udhëheqës në Rajon.

?SDPDDA është një sistem që është në rangun e sistemeve më të sofistikuara të përdorura nga shtetet anëtare të BE-së dhe me pranimin e saj, vendi ynë është një hap para përmbushjes së kërkesave për hyrjen në Bashkimin Evropian. Zbatimi i sistemit të ri, i cili është parakusht për zhvillimin e mëtejshëm të zgjidhjeve dhe shërbimeve digjitale, lehtëson ndjeshëm punën e të gjithë pjesëmarrësve në procedurën doganore dhe të tregtisë së jashtme në një mjedis doganor efikas dhe modern. Procedurat doganore që janë kryer në letër do të zëvendësohen me procedura elektronike. SPDDA është një sistem modern dhe kompleks që integron zgjidhjet ekzistuese sistematike?,-thonë nga Drejtoria e Doganave, citon “Tetova…”.

Për operatorët ekonomik, kjo do nënkupton zvogëlimin e kohës së paraqitjes së dekleracioneve, thjeshtimin e proceseve dhe uljen e ndjeshme të shpenzimeve. Të gjitha proceset janë të automatizuara dhe zvogëlojnë mundësinë e gabimit njerëzor, si dhe rrezikun e aktiviteteve të paligjshme dhe korrupsionit. Deri në SPDDA, operatorët ekonomikë mund të kenë qasje përmes sistemeve të tyre ose duke përdorur portalin e administratës Doganore, i cili është i disponueshëm pa pagesë.





Lajmet e fundit nga