E fundit!

14:03 Politikë

Kur do të votohen në PD Gaz Bardhi dhe Agron Gjekmarkaj?

Dje është zhvilluar mbledhja e dytë e Këshillit Kombëtar, ...

Basha si Rama, premton "lugën e floririt," nëse bëhet kryeministër i "Republikës së re"

31 Maj 2019, 18:46, Aktualitet CNA

Kryeministri në detyrë Edi Rama, para se të merrte votëbesimin për të qenë Kryetar i qeverisë së Rilindjes, gjatë fushatës elektorale të zgjedhjeve parlamentare që larguan nga pushteti PD-në, bëri premtime të bujëshme për t’ua prishur mëndjen elektoratit që t’ia jepte votat. Të shprehura në shifra premtimet e atëherëshme të Ramës e kalonin kufirin njëqind dhe qenë befasuese.

Rama premoi taksë progresive, nga e cila më të humburit do të ishin ata që kishin më shumë pasuri, premtoi ulje të kufirit të taksave dhe tatimeve, ulje të çmimit të energjisë elektrike dhe çmimit të karburanteve, ulje të taksimit të të ardhurave dhe anullim të gjithë konçensioneve. Por premtoi ndëshkim për të gjithë politikanët e pushtetarët që kishin abuzuar me funksionet dhe qenë përfshirë në krime e afera korruptive etj.

Përmendëm disa nga premtimet më të bujëshme të Ramës, që, megjithse të marra me rezerva nga dëgjuesit, i siguruan atij fitoren e parë të pushtetit të “Rilindjes…”. Një fitore e rrjedhur nga premtimet e bujëshme shumë prej të cilave janë konvertuar në mashtrime.

Ndëshkimi i të inkriminuarve, abuzuesve dhe të korruptuarve vip, varfërimi i oligarkëve, ulja e çmimit të energjisë, e tatimeve dhe taksave, e çmimit të karburanteve, anullimet e konçensioneve etj., mbeten ende endërr, ndërsa duket se stafetën e mashtrimeve Rama e ka marrë Basha.

Gjatë një takimi që ka patur mbrëmjen e sotme me banorë të ish Kinostudios kryetari i PD-së, Lulzim Basha, ndër të tjera i ka siguruar ndjekësit e tij se: nëse ata do ti besonin votëbesimin “Republikës së re”, si kryeministër i saj ai do të vinte në zbatim politika të tilla që do ti bënte të hanin me “lugë floriri.” Premtimet e Bashës, çuditërisht ishin të ngjashme me ato të shemrit të tij Edi Rama dikur.

“Programi i PD do të vendosë vetëm detyrimin 0,5 % të xhiros vjetore, si masë që do të nxjerrin nga skema e tvsh Rama biznesin e vogël, taksë 9 përqind mbi të ardhurat personale për rrogat mbi 300 mijë lek, 0 për ato nën 300 mijë lek. Ulje të çmimit të energjisë për familjet dhe për bizneset prodhuese, ulje që ditën e parë të qeverisjes të karburantit, me 300 lekë, duke eleminuar tërësisht taksën Rama”,- ka qenë premtimi i Lulzim Bashës, para ndjekësve të ish Kinostudios. Ku frazat:

” Për ata që pyesin se kur do ta rrëzojmë Edi Ramën, kam vetëm një përgjigje: Ejani të dielën në orën 19.00 në protestën tonë, bashkohuni me lëvizjen tonë, bëhuni pjesë e çlirimit të Tiranës, e çlirimit të Shqipërisë, nga kjo bandë hajdutësh dhe kriminelësh”-, ishin kredoja e gjthçkaje./CNA.al