E fundit!

08:09 Kronika

E rëndë në Maliq/ Një person vret efektivin e policisë, plagos 1 tjetër

Një ngjarje e rëndë është shënuar këtë të enjte në Maliq, ...

Letra e gjashtë për Bashën/ Rama kërkon një tjetër marrëveshje

27 Maj 2019, 13:20, Aktualitet CNA

Kryeministri Edi Rama i ka drejtuar sot një tjetër letër publike kreut të PD-së, Lulzim Basha.

Në letrën drejtuar kreut të opozitës, Rama i kujton atij se afatit për të dialoguar po i vjen fundi.

Gjithashtu, ndërsa i kujton marrëveshjen e dy viteve më parë, Rama i bën ftesë Bashës për të arritur një tjetër pakt mes tyre.

?Unë Ju ftoj përsëri që sa pa u djegur çdo afat kohor, të nisim Dialogun pa kushte dhe të fillojmë të shkruajmë bashkarisht, një faqe të re bashkëpunimi politik duke mos humbur më tej kohë, energji, mundësi zgjidhjeje, me këtë avaz të padobishëm për vendin, për njerëzit e për opozitën po se po!?-shkruan ndër të tjera Rama.

Letra e plotë:

LETER E GJASHTE PUBLIKE LULZIM BASHES

Zoti kryetar,

letrave të mia po i vjen fundi. E fundit për të tentuar Dialogun është edhe kjo javë, e cila mbyllet me çeljen zyrtarisht të fushatës së 30 qershorit.

S?ka mbetur nga ana ime ndonjë gjë e rëndësishme pa shkruar në këto letra dhe çka mbetet ende ndoshta, është detyrimi për të përmbledhur disa nga gjërat kryesore që janë thënë e shkruar.

Kujtesë: Shqipëria duhet të hapë negociatat për anëtarësim patjetër këtë vit dhe fatkeqësisht, Ju po bëni çmos t?i pengoni ato. Por jini po ashtu të sigurtë se populli shqiptar, përfshirë edhe çdo demokrat të arsyeshëm, që kurrë s?ka votuar e mbase s?do votojë ndonjëherë për Partinë Socialiste, nuk ka për t?Jua falur një paudhësi të tillë.

Shqiptarët janë shumë më të mençur se sa për fat të keq, shumë gabimisht, politikanë e parti të ndryshme i kanë kujtuar në momente të ndryshme të historisë së zhvillimeve demokratike. Mos e nënvleftësoni forcën e gjykimit dhe fuqinë e ndëshkimit të tyre, sepse çfarë keni parë e provuar në zgjedhje të shkuara, do t?Ju duket lule në krahasim me mësimin që do merrni kur t?Ju kërkoni përsëri votën një ditë, nëse s?do të ktheni rrugë sot përpara se sa nesër të jetë shumë vonë.

Me shëndet,

Edi Rama

27 maj, 2019