web counter
LEXO PA REKLAMA!

SHKARKO APP

App Store
Google Play

Mazhoranca nuk tërhiqet/ Balla ftesë PD-së të futet në zgjedhje

27 Maj 2019, 13:06, Aktualitet CNA

Mazhoranca nuk tërhiqet nga kërkesat e njëpasnjeshme drejtuar kreut të PD-së, Lulzim Basha për tu ulur në tryezën e dialogut.

Kreu i grupit parlamentar të PS-së, Taulant Balla i ftuar në studion e Neës24 tha se 30 qershori nuk negociohet dhe nuk shtyhet, por ai theksoi tha se mund të diskutohet se si mund të futet Partia Demokratike në zgjedhje.

Balla deklaroi se Basha vijon të ngulmojë në humnerë dhe ta fundosë PD-në.

?Dua të them që edhe pak ditë na ndajnë nga fillimi i fushatës zyrtare për zgjedhjet e 30 qershorit të cilat janë zgjedhje shumë të rëndësishme po të kujtojmë që në 61 bashkitë e vendit do të kemi një proces zgjedhor për të zgjedhur 61 kryetarët dhe kuvendet. Disponiliteti i PS dhe kryeministrit Edi Rama për një dialog ka qenë i vijueshëm. Kryeministri Rama i ka dërguar kryetarit të PD një seri kërkesash përmes disa letrave publike të cilat kanë pasur në themel domosdoshmërinë për të dialoguar sepse në demokraci dialogu është i rëndësishëm. Megjithatë Basha vijon të ngulmojë në humnerë dhe vijon ta fundosë PD-në. Kjo humnerë ka filluar prej vitesh.

Ai tha më tej se kërkesa për dialog nga mazhoranca për PD do jetë e vijueshme. ?Do dialogojmë për atë që mund të përcaktojë kushtetua. E kemi thënë shumë qartë që dorëzimi i mandateve është një hap që do dëmtojë rëndë PD. Prej atij momenti kemi thënë që jemi të gatshëm të dialogojmë në respekt të Kushtetutës. Nuk ka asnjë mundësi për të rishikuar datën e zgjedhjeve, për ta shtyrë qoftë me 24 orë. Nëse nga ana e PD-së do të kishte pasur një reflektim dhe të hiqej dorë nga dialogu pa kushte patjetër që ka pasur zgjidhje që mund të përfshijnë PD në zgjedhje.
Gatishmëria jonë për të gjetur një zgjidhje që fut PD-në në zgjedhjet e 30 qershorit. Por diskutime për 30 qershorin, kushte të papranueshmë, ku është parë e dëgjuar?, deklaroi Balla.





Lajmet e fundit nga