E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

Rasti "Leskaj" si test për drejtësinë e re

23 Maj 2019, 16:05, Aktualitet CNA

Prej disa ditësh CNA.al është angazhuar seriozisht edhe e vetme në denoncimin e rastit “Leskaj” si sjellje e paprecedent megjithë shembujt e pafundëm që kish parë dhe shijuar ky vend me shtetarët e tij.

Megjithese të vetëm, CNA.al do të vazhdojë të insistojë që të bindë shqiptarët se në rastin “Leskaj” Kuvendi, Presidenti, opozita e re dhe e vjetër, janë të gjithë bashkë dhe të gjithë njësoj të patronditur. CNA.al nuk habitet nga kjo sjellje.

CNA.al nuk priste sjellje tjetër nga këta më lart,pasi e di që mediat e tjera kanë halle të tjera sot, ndaj nuk habitemi që po heshtin dhe pranojnë të bëjnë injorantin apo të painteresuarin për rastin “Leskaj”.

CNA.al sot ka një analizë për shqiptarët dhe për Prokurorinë e re.

E dashur Prokurori e re e Republikës së reformave të drejtësisë historike!

Bujar Leskaj në Janar të vitit 2019 iku nga zyra e kryetarit te KLSH duke marrë me vete edhe pikturat e zyrës.

Me një akt individual, juridikisht të pavlefshëm, zoti Leskaj i la amanet zonjës Lati, karriken e Kryetarit të KLSH derisa të emërohej Kryetari i ri nga Presidenti dhe Kuvendi. As kushtetuta, as ligji i KLSH, NUK PARASHIKON RASTIN E DELEGIMIT Të KOMPETENCAVE NGA KRYETARI I KLSH, tek askush.

Njeriu që ka firmosur dhjetra vlerësime sjellje zyrtarësh si vepra penale dhe qindra rekomandime performance për institucione e zyrtare të të gjitha niveleve, ka prodhuar më shumë sesa një dokument për të arritur tek akti i “delegimit në kokë të vet” të kompetencave kushtetuese.

Nga ky moment zoti Leskaj është në kushtet e zbatimit të nenit 248 të Kodit Penal për shpërdorimin e detyrës nëpërmjet prodhimit të akteve përtej kompetencës duke keqpërdorur vulën dhe autoritetit e shtetit.

Pas këtij momenti, analiza vijon me çdo veprim të ndërmarrë nga zonja Lati në kundërshtim të hapur dhe papërgjegjshmëri të lartë civile, profesionale dhe shtetërore.

Prej këtij momenti Zonja Lati është në kushtet e nenit 246 të Kodit Penal si person që ka përvetësuar për qejf të vet dhe për hall të Leskajt një titull dhe detyrë shtetërore që nuk i përkiste.

Por historia vazhdon…

Pas 5 muajsh, Leskaj bëhet pishman dhe vendos të kthehet në zyrën nga ku iku me dëshirën e tij. Nuk kemi informacione për momentin nëse ritransferimi ka përfshirë edhe pikturat, por Zoti Leskaj me një akt tjetër individual, si njëri i lirë tashmë, duke pirë kafe pa asnjë angazhim shtetëror, konstaton sëmundjen e zonjës Lati dhe riemëron veten në karriken e kryetarit të KLSH.

Prej këtij momenti, Zoti Leskaj është në kushte flagrance në kushtet e neni 246 dhe 249 të Kodit Penal për kryerje të funksioneve pasi ato kanë përfunduar, në rastin tonë për shkak të vendimit të vetë zotit Leskaj.

E dashura Prokurori e re, CNA.al ju lutet të filloni menjëherë hetimin e rastit Leskaj.Të paktën për t’ju provuar shqiptarëve që ekzistoni. Ndihmojeni Zotin Leskaj të mos bjerë më tej në gabim.

Sot brenda zyrave të KLSH Zoti Leskaj mund të jetë duke kryer një vepër tjetër penale. Ate të parashikuar nga neni 301 i kodit penal. Mos e lini zotin Leskaj të kryejë veprime që pengojnë zbulimin e së vërtetës. Ruajeni mos i shkojë nëpër mend të lëvizë, fshehë, asgjesojë apo falsifikojë gjithë aktet që ka nënshkruar deri para 5 muajsh ai, dhe këto 5 muaj Lindita Lati.

Tregohuni shqiptarëve që rasti Leskaj nuk është standart dhe model për tu ndjekur.

CNA.al do të informohe për sa mundet gjithë institucionet e huaja që operojnë në vend. Ne jemi koshient që për standartin europian Zoti Leskaj sot do ish përcjellë në ndonjë klinikë për sëmundje mendore. Por ky vend ka parë shume si ky, ndaj këtij standarti i duhet dhënë fund.

Dhe meqe jeni, verifikoni nëse zyrtarët e KLSH kanë dorëzuar ndonjëherë si gjithë administrata, formularët e dekriminalizimit.

Pa besim te ju.

CNA.al