web counter
LEXO PA REKLAMA!

SHKARKO APP

App Store
Google Play

Kanos me armë zjarri 35-vjeçarin/ Në pranga i riu nga Vlora

23 Maj 2019, 12:21, Aktualitet CNA

Policia ka arrestuar një person i cili është përfshirë në një konflikt me armë zjarri.

I arrestuari është një G. B., 19 vjeç, banues në Vlorë i cili gjatë një konflikti për motive të dobëta ka kanosur me armë zjarri një 35-vjeçar.

Policia ka ndërhyrë menjëherë për parandalimin e përshkallëzimit të mëtejshëm të konfliktit ndërsa gjatë kontrollit i kanë sekuestruar një armë zjarri dhe një dozë lëndë narkotike e dyshuar si Cannabis Sativa.

Njoftimi i plotë i Policisë

Vlorë

Policia ndërhyn dhe parandalon përshkallëzimin e një konflikti.

Në pranga 1 shtetas, të cilit gjatë kontrollit fizik iu gjet 1 armë zjarri dhe lëndë narkotike Cannabis Sativa.

Specialistët për Hetimin e Krimit në Komisariatit të Policisë Vlorë, në bashkëpunim me Patrullën e Përgjithshme, pas njoftimit të marrë nga një 35 – vjeçar banues në Vlorë, se gjatë një konflikti për motive të dobëta po kanosej me armë zjarri nga shtetasi G. B., kanë ndërhyrë menjëherë për parandalimin e përshkallëzimit të mëtejshëm të konfliktit.

Si rezultat u bë arrestimi në flagrancë i shtetasit G. B., 19 vjeç, banues në Vlorë.

Pas kontrollit të ushtruar, këtij shtetasi i është gjetur një armë zjarri pistoletë dhe një dozë lënde narkotike e dyshuar e llojit Cannabis Sativa.

Materialet iu referuan Prokurorisë për veprat penale “Kanosja”, “Mbajtja pa leje dhe prodhimi i armëve, armëve shpërthyese dhe municioneve”, “Prodhimi dhe shitja e narkotikëve”./CNA.al





Lajmet e fundit nga