web counter
LEXO PA REKLAMA!

SHKARKO APP

App Store
Google Play

E fundit!

x

Maturantët në kolaps/ Dy javë para provimit, ndryshon mënyra e vlerësimit

23 Maj 2019, 13:42, Aktualitet CNA

Qendra e Shërbimeve Arsimore, së fundmi  ka shpërndarë në shkollat e mesme një njoftim-udhëzim në lidhje me  pyetjet me alternativa në provimet e Maturës Shtetërore 2019.

Sipas të njëjtit njoftim, vlerësimi i përgjigjeve të nxënësve në Maturën Shteterore 2019, për lëndët e detyruara dhe ato me zgjedhje, do të ketë disa ndryshime. Pyetjet me alternativa do të vlerësohen me skaner, prandaj nxënësit duhet t’i plotësojnë përgjigjet për ato pyetje në një fletë të veçantë.

Mirëpo, një udhëzim i tillë ka shkaktuar panik tek maturantët. Pasi rregullat janë ndryshuar, në një kohë që dy javë i ndajnë ata nga provimi i maturës.

Në këtë mënyrë, nuk do të bëhet provimi tradicional, ashtu si vitet e kaluara, por me rregullat e ndryshuara vlerësimi do të bëhet me fletë skantroni që do ta korigjojë makineria.

Për më tepër ky  ndryshim do të praktikohet, pa u pilotuar më parë.

Pra rregullat po ndryshohen sa hap dhe mbyll sytë, pa u njohur me detaje të gjithë maturantet dhe pa e provuar më parë këtë lloj provimi.

Që të praktikohej një vlerësim i tillë do të duhej që të paktën të bëheshin provime të tilla për një vit në mënyrë që nxënësit të mësoheshin dhe më pas të zbatohej.

Jo vetëm maturantët por edhe prindërit e tyre janë të shqetësuar për këtë ndryshim të fundit, pa dhënë më parë asnjë orientim./ CNA.al





Lajmet e fundit nga