E fundit!

10:21 Aktualitet

PD bojkoton sërish seancën

Partia Demokratike ka bojkotuar edhe seancën e sotme në Pa...

Fillojnë protestat studentore/ Hidhen flakadanë para Ministrisë së Arsimit

22 Maj 2019, 10:16, Aktualitet CNA

Studentë janë mbledhur sot në orën 12:00 duke protestuar para Ministrisë së Arsimit.

Studentët u janë kthyer protestave sepse, sipas tyre, nuk janë plotësuar ende kërkesat e tyre nga qeveria.

Protesta ka filluar me tensione pasi janë parë të hidhen flakadanë të thyhen xhama dhe kanë djegur letra para institucionit të Ministrisë së Arsimit.

Letrat janë djegur në formë simbolike për të treguar se kërkesat e tyre nuk janë plotësuar.

Studentët ankohen duke thënë se kërkesat e tyre nuk janë plotësuar ndërsa janë pajisur me tymuese dhe flakadanë.

Studentët kanë bërë edhe një peticion lidhur me 14 këerkesat e tyre, ndësta janë shprehur se protesta mund të përshkallëzohet.

Kujtojmë se kërkesat e tyre kryesore të studentëve ishin:

1-Reduktimi 50% i tarifës së masterit
2-Heqja e tarifave plus për provimet e prapambetura
3-Të mbahet kriteri i gjuhës së huaj dhe të jepet si provim në Fakultetin e Gjuhëve të Huaja me një tarifë minimale të përballueshme nga studentët.
4-Rankimi i programeve të studimit
5-Të vendoset paga minimale prej 30 mijë lekë/muaj gjatë periudhës së stazhit për studentët e mësuesisë.
6-Reforma e kurrikulave mësimore.
7-Rritja arbitrare e mesatares pa asnjë konsultim publikm me maturantët.
8-Respektimi i parimit të Procesit të Bolonjës për të drejtat që duhet të kenë studentët e programeve 2-vjeçare postsekondare për të transferuar kredite dhe për të vazhduar studime Bachelor.
9-Zbatimi i ligjit të AL për bursa ose tarifa zero për studentët që ndjekin programe në degë prioritare: IT, Gjeologji-Miniera, Inxhinieri mekanike, Energji të rinovueshme, Shkenca bujqësore dhe pyjore, Kimi, Fizikë, Matematike etj.
10-Investime urgjente për kabinete IT dhe laboratorë didaktike në çdo departament për mësimdhënie studentët e Bachelor dhe Masterit.
11-Rritja e peshës së votës studentore në masën 25%.
12-Rritja e përfaqësimit të studentëve në senatin akademik.
13-Anulimi i zgjedhjeve për anëtarin e bordit të administrimit përfaqësues i studentëve në çdo Universitet dhe përcaktimi i një baze ligjore të saktë dhe të qartë mbi kriteret e garës.
14-Rritja e pagave të pedagogëve. ./CNA.al