web counter
LEXO PA REKLAMA!

SHKARKO APP

App Store
Google Play

E fundit!

x

Basha kujton revoltën e Qafë Barit/ "Të frymëzuar nga rezistenca e martirëve"

22 Maj 2019, 10:04, Aktualitet CNA

Kreu i PD-së, Lulzim Basha, ka shkruar sot duke kujtuar revoltën e Qafë Barit, e cila ka ndodhur 35 vite më pare.

Basha ka shkruar se më 22 maj 1984 kjo revoltë tronditi diktaturën duke përhapur ?kushtrimin anembanë se liria nga dhuna e egër dhe gjakatare do të vinte.?

Basha e ka lidhur këtë ngjarje të 1984 me protestat që po zhvillon opozita duke shkruar se ” jemi sot më të bashkuar dhe të vendosur se kurrë.

Postimi i plotë i Lulzim Bashës

35 vjet më parë, me 22 maj 1984, revolta e Qafë Barit tronditi diktaturën dhe përhapi kushtrimin anembanë se liria nga dhuna e egër dhe gjakatare do të vinte. Sot përulemi para heroizmit prekës të martirëve të Qafë-Barit, Sokol Sokoli dhe Tomë Ndoja, të cilët ramë theror për liri!

35 vjet më vonë, protagonizmi i xhelatëve të komunizmit është një kambanë alarmi për gjithë kombin. Vatra e së keqes është akoma e ndezur, drejtësia akoma nuk e ka bërë detyrën e saj, liria dhe demokracia janë akoma të brishta, dhe e ardhmja e Shqipërisë është në udhëkryq!

Të frymëzuar nga rezistenca e martirëve të Qafë-Barit, me amanetin e sakrificës së tyre në zemër, jemi sot më të bashkuar dhe të vendosur se kurrë, për të mos lënë asgjë dhe askënd të mposhtë lirinë dhe demokracinë e të shkatërrojë të ardhmen europiane të shqiptarëve. Lavdi përjetë martirëve të Revoltës së Qafë Barit!/CNA.al





Lajmet e fundit nga