Luli gënjeshtrën e ka ves/ Dy tradhëtitë që iu bëri demokratëve

17 Maj 2019, 09:48, Aktualitet CNA

Në 18 shkurt të vitit 2017, kreu i Partisë Demokratike Lulzim Basha, futi demokratët në çadër.

Basha vendosi të ngujohet në çadër, duke kërkuar largimin e qeverisë aktuale dhe krijimin e një qeverie teknike, e cila do çonte vendin në zgjedhje të lira e të ndershme.

Lulzim Basha deklaronte në atë kohë se nuk do të tërhiqeshin nga protestat, deri kur të arrihet kauza e tyre.

?Ky është fillimi i një lëvizje popullore. Në dorë e kanë qytetarët. Largimi i kësaj qeverie dhe krijimi i qeverisë teknike për zgjedhje të lira e të ndershme.?-deklaronte në atë kohë Basha.

Por, rreth tre muaj më pas, Lulzim Basha i tradhëtoi demokratët, për Ramën dhe PD hyri në zgjedhje. Si sot dy vite më parë, në 17 maj 2017, Lulzim Basha bëri një marrëveshje me kryeministrin Rama, detajet e së cilës nuk u bënë kurrë publike.

Pas kësaj marrëveshje, çuditërisht Lulzim Basha nuk sulmonte më Ramën, por ju vërsul LSI-së. Në pothuajse të gjitha daljet e tij mediatike apo takime, Basha hodhi akuza të forta ndaj LSI-së dhe premtoi se kurrë më nuk do të kishte një pakt mes tij dhe LSI.

?Kjo është pjesë e vendosmërisë time të shprehur prej 4 vjetësh si kryetar i opozitës. Demokratët e Shqipërisë kurrë më të mos kenë dyshim që unë, si kryetar i Partisë do të bëj ndonjë pazar me LSI-në, sepse në qoftë se ky dyshim ekziston atëherë çdo demokrat s?ka pse të mos joshet nga shitblerja e votës me idenë se ne do jemi prapë në pushtet.

Sot dua t?i them çdo demokrati e demokrateje, ne nuk do të qeverisim me LSI-në, mos bëni gabimin fatal, përndryshe do të mbeteni si Baftjarë në hauret e Republikës së Vjetër,? deklaronte Basha, në emsionin Dritare, në 12 qershor 2017.

Me 25 qershor u mbajtën zgjedhjet parlamentare dhe PD pësoi humbje katastrofale, ku mori 230 mijë vota më pak se katër vite më parë, Rama mori i vetëm pushtetin, ndërsa Luli mori 16 milion eurot e pallatit të vjehrrit të ndërtuar në rërën e detit Jon, në Vlorë.

Por, pas rreth dy vitesh nga këto zgedhje Lulzim Basha u kujtua se zgjedhjet qenkan vjedhur, apo janë blerë me paratë e krimit.

Tashmë jemi në të njëjtën situatë të dy viteve më parë, por ka vetëm një ndryshim.

Nëse dy vite më parë, Lulzim Basha i tradhëtoi demokratët duke bërë marrëveshje me Ramën, tani Luli i ka tradhëtuar ata duke bërë marrëveshje me LSI-në.

Sot Lulzim Basha është në koalicion opozitar me partinë që dikur e quante ?shushunja?, dhe për të cilën premtonte se nuk do të bëntë pakt kurrë më.

Si gjithmonë, Lulzim Basha tjetër thotë e tjetër bën./ CNA.al