E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ish-zv/Ministrja e Ramës: Të kufizohet pushteti i Kryeministrit

17 Maj 2019, 09:34, Aktualitet CNA

Ish-zv/ministrja e Financave, në qeverinë ?Rama 1?, Irena Beqiraj, pasi deklaroi publikisht se ishte kundër ndryshimeve që priten të bëhen nga qeveria në Kodin Penal, ndryshime këto që lidhen me një sërë shkeljesh, ka shprehur përsëri kritika për kryeministrin Edi Rama dhe qeverinë e tij.

Beqiraj është shprehur në një intervistë për Telegraf duke then ëse duhet të kufizohet pushteti i Kreut të Qeverisë në dy mandate dhe të forcohet institucioni i Presidentit si Kryetar Shteti. Presidenca është institucioni i vetëm mbi palët prndaj duhet të ketë fuqi më të madhe dhe të shërbejë si ?amortizator? në raste të krizave politike.

Ja cfare thote per kufizimin e pushtetit

Stabiliteti dhe mirëfunksionimi i saj, kërkon sigurimin e pavarësisë së nevojshme midis pushtetit legjislativ dhe ekzekutiv, si dhe mekanizmat e kontrollit edhe balancës midis tyre. Në mendimin tim, duhet të kufizohet në kohë pushteti i Kreut të Qeverisë (ekzekutivit) në dy mandate.

Duhet forcuar institucioni i Presidentit, si Kryetar i Shtetit, si i vetmi institucion mbi palët, i cili duhet të shërbejë ?si amortizator? i krizave politike dhe negociator kryesor i zgjidhjeve. Këto nuk janë zgjidhje të thjeshta. Janë qartësisht në kundërshtim me interesat afatshkurtra të liderit të maxhorancës, i cili është në pushtet, por edhe në kundërshtim me ëndrrën me syhapur të liderit të Opozitës i, cili dëshpërimisht, me zjarr edhe bomba molotov, po kërkon po këtë pushtet absolut.

Por për fatin e tyre të keq, sfida me të cilën sot përballen dy liderët, është përtej asaj që ata janë mësuar të bëjnë. Edhe pse qartësisht si maxhoranca edhe opozita, kanë zgjedhur rrugën e thjeshtë, duke ripërsëritur veten, në të njëjtën zakonshmëri të konfliktit ekstrem, ka ardhur koha për të ofruar një paradigmë të re.

Hapi i parë, në këtë krizë të thellë besimi, është të shohin realitetin në sy. Dy liderët, në vend që të ndryshojnë realitetin ,duke ja përshtatur atë ?historive të tyre?, duhet të pranojnë atë ashtu siç është, duke ofruar zgjidhjet e kërkuara prej tyre.

A do te kete zgjedhje ne 30 Qershor?

Beqiraj mendon se, në 30 qershor mund të kemi votime, por jo zgjedhje.

?Në fakt, është zakon i politikanëve që e kanë politikën profesion, të parashikojnë çfarë do të ndodh javën, muajin apo vitin e ardhshëm dhe më pas të justifikojnë përse çfarë ato parashikuan nuk ndodhi. Profesioni im është financa dhe ekonomia. Ajo që mund të them me bindje, është që, me sistemin ekzistues, me krizën e besimit që ka kapluar vendin , pa pjesëmarrjen e opozitës, në 30 Qershor mund të ketë votime, por jo zgjedhje?- thote ajo.