E fundit!

07:51 Kosova & Bota

Cilat vende të BE-së luftojnë hendekun e pagave?/ Rregullat e reja të transparencës e ndajnë bllokun

Vetëm katër vende të BE-së e kanë zbatuar Direktivën e BE-...

"Kreu i Këshillit Kombëtar të Lulit"/ Si u bë president një ish-punonjës karburanti

17 Maj 2019, 07:24, Aktualitet CNA

Së fundi, ish-presidenti Bamir Topi ka publikuar një libër autobiografik me titull ?Nocturn? (Kur arsyeja errësohet nga pushteti), ku rrëfen edhe disa nga prapaskenat e politikës.

Mes personazheve për të cilët flet Bamir Topi, është edhe pasardhësi i tij, ish-presidenti Bujar Nishani, për të cilin së fundi Lulzim Basha ka shpikur një post të ri, duke e bërë kryetar të Këshillit Kombëtar të PD.

Në librin e tij, Bamir Topi rrëfen si e futi në politikë Bujar Nishani dhe si e takoi për herë të parë me Sali Berishën. Berisha nuk e kishte dëgjuar kurrë më parë emrin e Bujar Nishanit, deri kur ia propozon për herë të parë Topi si kandidat për të zëvendësuar Shaban Meminë si sekretar të degës së PD së Tiranës. Berisha kërkonte ta hiqte ?qafe? Meminë pas humbjes dramatike në Tiranë në zgjedhjet parlamentare të 2001.

Ish-presidenti Bamir Topi thotë se ku i përmendi emrin e Nishanit, Berisha i kishte thënë se nuk e njihte, ndërsa e kishte pyetur për profesionin. Topi i thotë Berishës se Nishani ka qenë oficer, ndërsa nuk i tregon se punonte në një pikë karburanti.

??Mendoj që pas rezultateve zhgënjyese, Shaban Memia duhet të lirohet nga detyra e sekretarit, -tha ai (Berisha). Vendosa të mos shprehesha dhe të dëgjoja se ku do të dilte. -Unë nuk kam një emër për ta zëvendësuar dhe po e pate ndonjë, na thuaj ta propozojmë në mbledhjen e radhës në Kryesisë, – tha Berisha. Pas një pauze të shkurtër i them se nuk kam përse mendohem, sepse e kam një emër. -Cili është? -Është personi që ka qenë kryetar komisioni në zonën tim elektorale, Bujar Nishani quhet, – i thash duke menduar se do e njihte ndopak. -Nuk e njoh, çfarë profesioni ka ky? -Ka qenë oficer dhe tani punon në një biznes privat, i punësuar. E lash shpjegimin me kaq, për të mos e ndërlikuar situatën, duke mos i thënë që punonte në një pikë karburanti. Në fakt unë doja shumë që aty të ishte Bujari, pasi krijova konsideratë për të dhe doja t?ia ?shpërbleja? angazhimin që pati në punën e komisionit të zonës sime, ku beteja zgjedhore ishte një nga më të fortat në Tiranë. Berisha, pasi u mendua pak, me sa duket duke mos pasur ndonjë emër tjetër në mendje vazhdoi: Hajde nesër së bashku me të, ta takoj njëherë!?, shkruan ndër të tjera Bamir Topi në librin e tij./ CNA.al