web counter
LEXO PA REKLAMA!

SHKARKO APP

App Store
Google Play

E fundit!

x

Opozita në rrugë/ Meta: Kam folur me Kryeministrin, s'ka dialog

11 Maj 2019, 07:26, Aktualitet CNA

Opozita  pritet të tubohet sot para para Kryeministrisë, me kërkesën e pandryshuar për largimin e Edi Ramës dhe Qeveri tranzitore.

Ndërkaq, Presidenti i Republikës, Ilir Meta,i cili më herët ka takuar partitë e vogla opozitare,  thotë se mungesa e dialogut të brendshëm politik cënon procesin e negociatave.

Në një prononcim për “Shqiptarja.com”, ai deklaron se ka komunikuar në vijimësi me Kryeministrin në lidhje me bashkëpunimin me Opozitën.

“Kam komunikuar në vazhdimësi me Kryeministrin apo ish-ministrin e Jashtëm për rëndësinë e bashkëpunimit me opozitën në mënyrë të vazhdueshme dhe për domosdoshmërinë për të demonstruar se procesi i integrimit europian është një përgjegjësi e përbashkët dhe për ta konkretizuar me veprime të përbashkëta që menjëherë pas vendimit të Këshillit në qershorin e kaluar për të rivlerësuar çeljen e negociatave pas një viti.

Më vjen keq të them se mungesa e dialogut të brendshëm politik jo vetëm që cënon seriozisht këtë mundësi por edhe ka sjellë këtë situatë të përgjithshme jo funksionale të drejtësisë, sidomos mungesa e gjykatës Kushtetuese ka qenë një problem i madh dhe vazhdon të mbetet”, është shprehur Meta.

Sipas tij, gjithë ky proces me shumë aspekte të tjera kanë bërë për fat të keq të pamundur funksionimin e ligjit në vend por edhe njëkohësisht edhe funksionimin e garancive kushtetuese demokratike për të gjithë.





Lajmet e fundit nga