E fundit!

07:51 Kosova & Bota

Cilat vende të BE-së luftojnë hendekun e pagave?/ Rregullat e reja të transparencës e ndajnë bllokun

Vetëm katër vende të BE-së e kanë zbatuar Direktivën e BE-...

Profil/ Kush është Majori shqiptar që humbi jetën në Letoni

10 Maj 2019, 20:47, Aktualitet CNA

Major Klodian Tanushi, cili u plagos pak ditë me pare gjatë një misioni të NATO-s në Letoni ku humbi jetën nëntetarja Zarife Hasanaj dhe ngeli i plagosur rreshteri Julian Kapaj, ka ndërruar jetë mbrëmjen e sotme.

Por kush ishte Major Klodian Tanushi?

Major Klodian Nikolla TANUSHI ka lindur në Dibër më 31.10.1980 dhe është fëmija i parë i familjes Tanushi. Ushtaraku i FA ishte i martuar dhe me tre fëmijë (dy djem dhe një vajzë) përkatësisht 14 vjeç, 11 vjeç dhe 1 vjeç e gjysmë.

Në vitin 1999 Tanushi ka përfunduar shkollën e mesme profesionale ‘Nazmi Rushiti’ në profilin ‘Motorist xhenerik’. Nga viti 2000 deri në vitin 2003 ka ndjekur studimet në Akademinë Ushtarake Skëndërbej.

Major Klodian Tanushi ka kryer kurse funksionalr EOD Niveli 1-rë ‘Për asgjësimin e municioneve me eksploziv’, dhe ka marrë pjesë ne kursin ‘EUFOR Mine Aëareness Instructor Course’.

Pas përfundimit të Akademisë Klodian Tanushi është titulluar oficer dhe me urdhër më datë 18.09.2003 ka marrë gradën e ‘Nëntogerit’. Në vitin 2006 ka marrë gradën e ‘Togerit’, në vitin 2010 ka marrë gradën e ‘Kapitenit’ dhe në vitin 2017 ka marrë gradën e ‘Majorit’.

Gjatë karrierës së tij ushtarake Tanushi ka kryer detyra si: Komandant Toge, Komandant Kompanie, Shef Seksioni, Specialist Operacionesh, kurse aktualisht ishte me detyrë Komandant i Togës së parë të EOD.

Në 20.12.2018 është dërguar me mision në Operacionin Ushtarak të NATO-s në Riga, Letoni në përbërje të Grup-batalionit kanadez me detyrë Komandant i Kontigjentit shqiptar dhe përfaqësues i lartë ushtarak, me afat qëndrimi 6-mujor.

Gjatë karrierës së tij është vlerësuar me Medaljen e ‘Karrierës’ nga Komandanti i Forcës, Medaljen e ‘Shërbimit’ nga Shefi i Shtabit të Përgjithshëm, Medalje shërbimi në Mision jashtë vendi si dhe Medaljen ‘Për pjesëmarrje në shërbime ndërkombëtare’ nga Ministri i Mbrojtjes.