web counter
LEXO PA REKLAMA!

SHKARKO APP

App Store
Google Play

E fundit!

x

Protesta e Opozitës/ Mister skenari, blindohet Tirana

11 Maj 2019, 06:49, Aktualitet CNA

Sot Opozita jashtë Kuvendit ka thirrur një protestë që pritet të mbahet në orën 18.30 të pasdites.

Protesta pritet të zhvillohet para Kryeministrisë, por nuk dihet se sa do të zgjasë dhe nëse do të ketë ndryshim destinacioni.

Kujtojmë se në protestat e shkuara, tubimi është zhvendosur nga Kryeministria për tek Parlamenti.

Kreu i PD dhe njëherësh kreu i Opozitës Lulzim Basha, gjatë këtyre ditëve ka thënë se do të jetë një protestë madhështore që do të çojë në fundin e Edi Ramës dhe rrëzimin e Qeverisë.

Por, deklarata të tilla i kemi dëgjuar edhe më herët, dhe gjithçka ka përfunduar me shpërndarje të protestuesve.

Aktualisht situata në Tiranë paraqitet e qetë, në akse të ndryshme rrugore por edhe brenda në kryeqytet, janë shtuar masat e sigurisë.

Policia po patrullon thuajse në të gjitha rrugët, duke i paraprirë kështu çdo lloj incidenti të mundshëm.

Raportohet se në kuadër të masave të sigurisë janë angazhuar 1500 punonjës policie, pa përfshirë këtu agjentët civilë që do të jenë në terren.

Gjithashtu janë instaluar kamera sigurie, dron si dhe janë në gatishmëri edhe automjetet e hedhjes së ujit.

Si zakonisht në protestat e Opozitës, shtyllat janë lyer me graso, tek dera e jashtme e Kryeministrisë është vendosur mbrojtësja dhe rrethimi me gardh metalik./CNA.al





Lajmet e fundit nga