Denoncoi lidhjet e Ramës me Soros/ Basha kundër Berishës

11 Maj 2019, 16:21, Aktualitet CNA

Para të rinjve europianë demokratë ish-kryeministri Sali Berisha ka folur me tone të ashpra kundër manjatit George Soros duke treguar edhe eksperiencën e tij personale në vitet e para të demokracisë.

Ai tha se Sorosi ngriti organizata të shoqërisë civile de fakto leva të ish-partisë Komuniste.

Gjithashtu Berisha tha se Soros është ideoator ndryshimit të kufijve në Ballkan.

?Soros ka axhendë. Keni dëgjuar reformën në drejtësi në Shqipëri, projektin, strategjinë e ka bërë Soros që favoriti i tij Rama të bëhet edhe mbret edhe satrap dhe të ketë të gjitha pushtetet. Ai është një njeri shumë i rrezikshëm. Keni dëgjuar të flitet për ndryshim kufijsh në Ballkan? Ju garantoj se s?ka investim më të rrezikshëm për luftë se sa kjo gjë. Projekti që ka 2 vite që përpiqet të shitet kudo është projekti i fondacionit të hapur të George Sorosit në Beograd?, deklaroi Berisha.

Por, ndërkohë që po fliste Berisha, ka ndodhur një akti i paprecedentë, i cili është denoncuar nga avokati Altin Goxhaj.

Në një postim në rrjetet sociale, Goxhaj shkruan se Basha i ndërpreu sinjalin Berishës, sapo ky denoncoi Sorosin si autori i projektit të copëtimin e Kosovës në favor të Serbisë!

?Si ndodhi: Në Takimin e të rinjve të EDS (European Democrat Students) në Tiranë, kur Berisha po i përgjigjej pyetjes së përfaqësuesit hungarez të Partisë së Orban (në minutën e 36të e 15 sek të videos live) mbi rolin e George Soros në Shqipëri, pasi po shpjegonte se si Reforma në Drejtësi ishte projekt i Soros dhe jo indërkombëtarëve dhe qëllimi i projektit dhe reformës ishte kapja e Drejtësisë nga Rama, Berisha filloi të tregonte se Projekti për copëtimin e Kosovës ishte hartuar nga Fondacioni Soros Beograd, në atë moment stafi i Lulzim Bashës merr urdhër për të fikur sinjalin live!
Ndiqeni videon nga minuta 36 dhe do skandalizoheni! Kur Lul Sorosi ja bën këtë Sali Berishës, mendo se çfarë kapje totale ka Partia Demokratike nga Mafia Soros dhe pse po ecën në rrugën e shkatërrimit total!
E kuptuat Censuren Totale që na bëhet ne të Levizja AntiSoros që denoncuam që në Korrik 2018 rolin e Soros për copëtimin e Kosovës??-shkruan Goxhaj./ CNA.al