web counter
LEXO PA REKLAMA!

SHKARKO APP

App Store
Google Play

Berisha: Droga po shkatërron ekonominë, 10 miliard euro u futën me kamion

11 Maj 2019, 15:17, Aktualitet CNA

Ish-kryeministri Sali Berisha gjatë takimit  të rinjt evropian demokrat, u shpreh se vendi është shndërruar në narkoshtet. Ndërsa paratë e drogës po shkatërrojnë ekonominë.

?Po lexoja nga një revistë britanike. Epidemia e kokainës në Britaninë e Madhe i ka rrënjët në Shqipëri. 10 miliard euro që u fituan nga kanabisi, bosët e drogës i përdorin për të blerë kokainë në Kolumbi e Venezuelë. Dhe duke i shitur përmes Shqipërisë në të gjithë Europën. Droga po shkatërron ekonominë.

Është një histori e gjatë e narkoshteti. Një gazetar investigativ, mori misionin të investigonte nesë vëllai i ministrit merrej me trafiqe apo ngarkesa 12 tonelata për ti nisur për Itali. Ky gazetar është sot në proces gjyqësor sepse investigoi ministrin dhe vëllain trafikant.

Këtu narkoeuro po shkatërron ekonominë. Eurot futen me kamion. Ne po luftojmë këtu një regjim, një narkoshtet që ka ndërtuar regjimin më të korruptuar që ka egzistuar ndër vite.

Pyesni sa kushton ndërtimi i një km autostradë në vendet tuaja. Këtu në këtë vend një km autostradë fushë kushton 24 milion euro, ndërsa në bajpasin e Fierit kushton 2.1 milion euro. Jua them këto shifra për të kuptuar se në Shqipëri është regjimi i kakistokracisë, përfundoi Berisha. /CNA.al





Lajmet e fundit nga