E fundit!

11:13 Aktualitet

Protesta, "mollë sherri" në Konferencën e Kryetarëve/ Zhupa-mazhorancës: Po fabrikoni prova

Protesta e qytetarëve para Kryeministrisë ka sjellë debate...

Zbulohen kandidatët e PS për bashkitë kryesore/ Kush janë të besuarit e Ramës

6 Maj 2019, 12:16, Aktualitet CNA

Ndërkohë që rreth një muaj e gjysëm na ndajnë nga zgjedhjet vendore të 30 qershorit, PS duket se ka zyrtarizuar tashmë shumicën e kandidatëve për kryebashkiakë.

CNA.al sjell disa nga kandidatët e konfirmuar nga PS në bashkitë kryesore në vend.

Kështu, në Tiranë, Rama i ka besuar rikandidimin për një tjetër mandat, kryebashkiakut në detyrë, Erion Veliaj.

Në Durrës, moskandidimi i Dakos duket një histori e mbyllur, dhe PS po shkon drejt kandidimit të Spartak Kovaçit.

Në Elbasan, Qazim Sejdini nuk do të kandidojë për një mandat të katërt, por kandidati i PS-së, do të jetë Gledian Llatja, emër ky i konfirmuar nga kryeministri Rama.

Gjatë një takimi në Elbasan, me 27 prill 2019, Rama rikthesoi se zgjedhjet do të mbahen më 30 qershor, Rama tha se Gledian Llatja do të jetë kandidati i PS.

Një tjetër bashki e rëndësishme është edhe ajo e Vlorës, ku Rama do të rikandidojë Dritan Lelin.

Në Korçë, PS do t?i besojë garën për një tjetër mandat Sotiraq Filos, ndërsa kandidati për kryebashkiak i Maliqit pritet të vendoset ditën e Mërkurë, pas mbledhjes se kryesisë së PS-së. Dhe në rast se largohen kandidatët me tre mandate, pritet të jete kandidat Arjan Jaupllari.

Në Pogradec, PS ka vendosur që të garojë deputetin Ilir Xhakolli.

Në Kolonjë, PS pritet të kandidojë aktorin e humorit Erion Isai.

Në Kukës, bashki e cila njihet si një bastion i së djathtës, kryeministri Edi Rama ka konfirmuar Safet Gjicin, presidentin e Kukësit për kandidat të Partisë Socialiste për bashkinë e këtij qyteti për zgjedhjet e 30 qershorit. Ndërsa për bashkinë e Lezhës, PS do të garojë në këto zgjedhje me Pjerin Ndreun.

Në Fier, kryebashkiaku Subashi mori konfirmimin në garën për një tjetër mandat.

Në bashkinë e Prrenjasit, me 20 prill 2019, kryetari i Grupit Parlamentar të Partisë Socialiste, Taulant Balla ka prezantuar Nuri Belbën si kandidat të Partisë Socialiste për zgjedhjet lokale të 30 qershorit.

Për Bashkinë e Krujës, do rikandidojë kreu aktual Artur Bushi.

Në bashkinë e Beratit, PS do të garojë me ish zv ministrin e arsimit, Ervin Demo, ndërsa në Kuçovë me kryetarin e partisë, Sybi Shehu.

Në Skrapar do të kandidojë Adriatik Mema.

Në Pukë, kandidati i PS për zgjedhjet lokale të 30 Qershorit është kryebashkiaku aktual Gjon Gjonaj./ CNA.al