web counter
LEXO PA REKLAMA!

SHKARKO APP

App Store
Google Play

E fundit!

x

Basha shpall "armik" Azemin

5 Maj 2019, 13:47, Aktualitet CNA

Sot, është 5 Maji, Dita e Dëshmorëve, ku përkujtohen, nderohen dhe respektohen sakrificat e atyre që dhaën jetën për liri dhe demokraci. Në çdo 5 Maj Partia Demokratike, ka zhvilluar  vizita në familjen e Azem Hajdarit, me rastin e ditës së dëshmorëve, por sot pas 21 vitesh Luli nuk shkoi në familjen Hajdari.

Sot, kreu i PD-së Lulzim Basha e ka shpallur “armik”, dëshmorin Azem Hajdari, pasi  Rudina Hajdari, vajza e tij e ka kundërshtuar hapur dhe nuk i është bindur marrëzisë së tij.

Dhe për të larë duart si Ponç Pilati i vendosi nje buqetë lule në varr, por nuk shkoi në shtëpinë e tij.

Për herë të parë që nga viti 1998, PD nuk e ka përkujtuar dëshmorin Azem Hajdari me vizitë në shtëpinë e tij.

Duket se Lulzim Basha nuk shikon përtej hundës së tij.

Ai duke mos shkuar për vizitë në familjen e dëshmorit  Azem Hajdari, duke thyer traditën disa vjeçare të PD, ka vendosur të hakmerret ndaj së bijës së dëshmorit, Rudina Hajdari.

Vajza e dëshmorit Azem Hajdari, deputetja Rudina Hajdari, doli kundër Lulzim Bashës, pas vendimit të djegies së mandateve.

Ajo nuk hoqi dorë nga politikbërja në institucione, duke përfaqësuar denjësisht ata që e zgjodhën.

Rudina zgjodhi të ecë në rrugën e të atit, i cili nuk tërhiqej pas, ndërsa Basha duket se ka zgjedhur hakmarrjen ndaj Rudinës, duke i shpallur të babain “armik”, dhe duke mos e nderuar ashtu siç e meritonte në Ditën e Dëshmorëve.

Basha jo vetëm ka nxjerrë PD në rrugë, por po ia njollos emrin kësaj force politike që lindi si shpresë për qytetarët, duke lënë në harresë, dëshmorë si Azem Hajdari.

Në fakt që me zgjedhjen e Lulit si kryetar i PD,  kjo forcë politike ka më shumë armiq se anëtarë dhe logoja i ka ngelur pasi realisht ajo është Republika e Re e familjes së Lulit. .

Turpi nuk ka emër, por sot ai shëmbëllen me Lulzim Bashën, që duke thyer traditën e PD për inate personale, nuk respektoi me vizitë familjen e dëshmorit Azem Hajdari./CNA.al





Lajmet e fundit nga