web counter
LEXO PA REKLAMA!

SHKARKO APP

App Store
Google Play

Mesazhi i Papa Françeskut: Vizitën në Shkup ia kushtoj Nënë Terezës

4 Maj 2019, 12:44, Aktualitet CNA

Në prag të vizitës së tij në Maqedoninë e Veriut në 7 maj, Papa Françesku, ka dërguar nga Vatikani një mesazh për qytetarët e maqedonas.

Në këtë mesazh ai thekson se këtë vizitë ia kushton shenjtores Nënë Tereza, që ka lindur dhe është rritur në Shkup, e cila me ndihmën e Perëndisë dhe me një guxim të madh u bë misionare në shërbim të njerëzve në nevojë për t?u dhënë atyre shpresë dhe dinjitet, duke përhapur frymën e Krishtit në botë.

Papa theksoi gjithashtu se bashkëjetesa fetare dhe etnike është një vlerë që i lartëson ata si popull.

Mesazhi i Papa Françeskut
Të dashur vëllezër dhe motra nga Maqedonia ? Veriut,
Nëpërmjet këtij mesazhi të shkurtër, dua të shpreh gëzimin dhe miqësinë që ndjej për njerëzit tuaj dhe kishën që ekziston në vendin tuaj.

Prej që vendi juaj u bë i pavarur, Selia e Shenjtë donte të krijonte marrëdhënie miqësore dhe diplomatike me ju. Sot, më shumë se kurrë, ka nevojë që në Evropë dhe në mbarë botën, për të zhvillohet një kulturë e përbashkët, një kulturë e vëllazërisë, unë do të vij në mesin tuaj.Unë jam i sigurt se vendi juaj është i mirë.

Në fakt, bukuria e veçantë e vendit tuaj, është për shkak të kulturave të ndryshme, etnive dhe feve që jetojnë në të. Sigurisht që bashkëjetesa nuk është gjithmonë e lehtë, ne e dimë atë, por ja vlen që të investohet në përpjekje, për shkak se mozaikët më të bukura janë ato që kanë shumë ngjyra.

Vizitën time ia kushtoj një shenjtore të madhe, një bije të vendit tuaj, Nënës Terezë, e lindur dhe e rritur në Shkup, e cila me ndihmën e Perëndisë, u bë misionare e guximshme e Krishtit në botë, duke u dhënë shpresë dhe dinjitetin të varfërve.
Të dashur miq, le të përgatisim takimin tonë me lutje që ky takim të jetë i mbushur me paqe dhe të mira për të gjithë njerëzit tuaj.
Qofshi të bekuar nga Perëndia!





Lajmet e fundit nga