web counter
LEXO PA REKLAMA!

SHKARKO APP

App Store
Google Play

Video-Luli bën realitet Qeverinë Tranzitore/ I bën xhiro në tram

2 Maj 2019, 11:54, Aktualitet CNA

Kreu i Republikës së Re, Lulzim Basha edhe nëse rrëzimin e Ramës e kishte imagjinar, krijimin e Qeverisë tranzitore duket se e paska shumë seriozisht.

Një ditë më parë, Lulzim Basha deklaroi se sot në orën 11:00 do të mblidhej opozita e bashkuar, për të prezantuar detyrat e qeverisë tranzitore. Për të gjithë ju që ishit skpetikë, dhe që nuk e besuat se e kishte seriozisht, Luli tregoi që e kishit gabim.

Për më tepër, sot duket se e ka marrë shumë seriozisht qeverinë tranzitore dhe po i bën xhiro në tramin, që e realizoi rreth pesë vite më parë, kur ishte kryebashkiak i Tiranës.

Në vitin 2014, në kohën që Lulzim Basha drejtonte Bashkinë e Tiranës, në një dalje publike tha se e ka mbajtur premtimin për tramin.

?Tre vite më parë e premtuam, disa edhe e mosbesuan, por sot kemi mbërritur në projektin e lëvizjes përmes tramit në Tiranë. Tre vite ë parë në garën për kryebashkiak shpalla synimin tim: zhvillimin e qytetit me prespektivë të qendrueshme, 3 vite më parë gjetëm një Tiranë që me shumë urgjencë duhej të gjenin zgjidhje për planin urban zhvillimin ekonomik dhe punëismin. Mungonin studimet ku mund të bazoheshim, por ama kishim dicka thelbësore, vizionin dhe vullnetin. Pjesë e këtij vizioni ishte dhe trami?, u shpreh Basha, në atë kohë.

Dhe sikurse bëri realitet tramin, duket se Basha po bën realitet edhe Qeverinë Tranzitore, por kësaj radhe me Monën në krah.

Por, ka edhe një tjetër detaj, Basha sot për të treguar që vërtetë e ka me ndërmend krijimin e Qeverisë tranzitore, tha se do ta bënte si në Greqi.

Por, Luli ka harruar se në Greqi nuk ikën kryeministri të shëtisë me tram dhe zgjedhjet i organizon Ministria e Brendshme.

Lulzim Basha e mori Ministrinë e Brendshme në 2017-ën, në prag të zgjedhjeve të 25 qershorit dhe rezultati ishte katastrofik për PD-në.

Ndërsa, vetë Basha po shëtiste me tramin që kishte ndërtuar dhe 16 milionë eurot e vjehrrit të fituara nga pallati i ndërtuar në detin Jon. Dhe sot pas dy vitesh, kujtohet që zgjedhjet qenkan vjedhur./ CNA.al





Lajmet e fundit nga