E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

Do të vrasë Agron Tufën?/ Spartak Braho: Ja nga i vjen rreziku

1 Maj 2019, 08:30, Aktualitet CNA

Drejtori i Institutit të Krimeve dhe Pasojave të Komunizmit, Agron Tufa prej ditësh është përfshirë në një debat publik me deputetin e PS-së Spartak Braho.

Disa ditë më parë, Tufa ka ngritur një padi në gjykatë pas kërcënimeve të njëpashnjëshme që pretendon se ka marrë nga personat në fjalë. Ndërkohë, në një studio televizive, Tufa sqaroi se ndihet i kërcënuar moralisht por edhe fizikisht pasi ka marrë mesazhe kërcënuese.

Por, ka ardhur sërish reagimi i deputetit Spartak Braho, i cili i është përgjigjur akuzës së Agron Tufës, se do ta vrasë atë.

Në një intervistë për gazetën Dita, Braho është shprehur se ?Është një idiotësi e radhës e tij. Unë i them se asnjë rrezik nuk i vjen nga unë. Të gjitha rreziqet që do ta ndëshkojnë atë i vijnë nga vetja e tij. Nga shkeljet ligjore që ka bërë. Dhe do t?i tregoj ato shkelje të rënda një për një. Tani gjoja i ?frikësur? nga unë se e kërcënoj për ta vrarë, shpërndan alarmin fallco për rrezikun që i ? kanoset? !!?.

Më tej, Braho i ka cilësuar qesharake deklaratat e Tufës, ndërsa thekson se ?Qesharake kjo alibi e tij. Sepse është Rama që e ka financuar dhe e ka mbajtur në këmbë këtë institut, të paktën këto gjashtë vitet e fundit?.

Braho ndalet edhe tek akuzat se ka kryer krime gjatë kohës së komunizmit.

?E para e punës, unë nuk kam qenë asnjë ditë prokuror apo sigurims apo bashkëpuntor i ndonjë shërbimi të huaj, as kontgjent i patriotit tënd Gazidede, o Tufë.

As i serbëve apo i rusëve siç të akuzon Shaqir Vukaj, ish ambasadori i Shqipërisë në Rusi, një akuzë që ty të dogji aqshumë dhe u hodhe përpjetë sikur të kafshoi gjarpri.

Unë kam qenë si jurist për pak vite në organet e gjyqësorit dhe kam zbatuar e respektuar ligjet e kohës brenda sistemit të drejtësisë për disa vite në gjykatë.

Nuk kam shkelur asnjë ligj të kohës dhe ndihem krenar për këtë. Prandaj nuk më bëjnë asnjë përshypje shpifjet ordinere të një njeriu ordiner.

Por, pa më thuaj Sali Berisha ku ka qenë në ato vite? Kujt i ka shërbyer? Pale të pyes Tufën se kujt i ka shërbyer dhe ç?punë ka bërë pas vitit 1990? ?, thotë ai.

Braho i përgjigjet Tufës, edhe për pretendimet se ai ka qenë i përndjekur politik:

?Çfarë i përndjekuri ka qenë Tufa. Si mund të quhet i përndjekur dhe i persekutuar një person që nuk ka qenë asnjë ditë në burg, që është lënë të vazhdojë studimet e të gjitha niveleve, madje edhe të shkruajë me dashuri për Partinë dhe shokun Enver para vitit 1990?

Po, unë e kam thënë dhe po e përsëris: Agron Tufa nuk është i përndjekur politik. I ati i tij, Hajredin Tufa po, ka qenë i dënuar gjatë kohës së socializmit për krime ordinere. Kjo është e gjithë historia e tij, shkaku nga i buron gjithë mllefi dhe vreri që shpërndan çdo ditë.?

Agron Tufa jep alarmin/ ?Ndihem i rrezikuar?

Agron Tufa ?dhëmb për dhëmb? me Spartak Brahon/ Dorëzon padinë në gjykatë