web counter
LEXO PA REKLAMA!

SHKARKO APP

App Store
Google Play

E fundit!

x

Shqiptarët protestë përpara Ambasadës serbe në Amerikë/ “Drejtësi për krimet e luftës në Kosovë”

30 Prill 2019, 20:51, Aktualitet CNA

Një grup i komunitetit shqiptar në Amerikë po protestojnë në këto momente përpara Ambasadës së Serbisë atje dhe kërkojnë drejtësi për të vrarë e luftës në Kosovë.

Protesta po transmetohet live nga Zëri i Amerikës, ndërsa shqiptarët e atjeshëm kërkojnë drejtësi për krimet e luftës në Kosovë, për familjarët e vrarë nga trupat serbe.

Sipas tyre Serbia po i shmanget përgjegjësive për krimet dhe spastrimin etnik në Kosovë, ndaj ata kërkojnë një rigjykim të çështjeve, të cilat duan të jenë të hapura për të gjithë.

Gjithashtu ata kanë bërë thirrje që shqiptarët kudo në botë të bojkotojnë masivisht produktet serbe.

Sakaq, në Uashington, Komisioni për Punët e Jashtme i Dhomës së Përfaqësuesve të Kongresit amerikan po zhvillon një seancë dëgjimore me temë: ?Viktimat e luftës në Kosovë ? Në kërkim të drejtësisë.?

Ligjvënësi Eliot Engel që hapi seancën tha se sot, pas 20 vjetësh, për viktimat e luftës në Kosovë ka patur shumë pak në mos aspak drejtësi. Ai tha se Shtetet e Bashkuara dhe aleatët evropianë duhet të kishin ushtruar më shumë trysni, por përgjithësisht dështuan.

Është hera e parë që në Kongresin amerikan zhvillohet një dëshmi me pjesëmarrje të gjerë për të kërkuar drejtësi për viktimat e krimeve të luftës në Kosovë, me theks të veçantë te viktimat e përdhunimeve.





Lajmet e fundit nga