web counter
LEXO PA REKLAMA!

SHKARKO APP

App Store
Google Play

E fundit!

x

Zbardhen të tjera detaje nga vrasja e dyfishtë/ Pse u fsheh plagosja e të “fortit” të Laçit

29 Prill 2019, 10:29, Aktualitet CNA

Vrasja që tronditi qytetin e Laçit mbrëmjen e djeshme, pasi dy të rinj u ekzekutuan nga dy vëllezër dhe kushëriri i tyre pas një konflikti që nisi në një lokal dhe përfundoi në rrugë me plumba. Por një qytetar i Laçit, teksa tregon ngjarjen për Report Tv, thotë se nga konflikti ka mbetur edhe një i plagosur. Dëshmitari shprehet për Report Tv se i plagosuri është Gentian Suti, por policia e mohon një gjë të tillë. Ndërkohë mbetet enigmë nëse vërtetë Suti është plagosur apo jo. Por kush është Gentian Suti? Ai njihet si një nga të fortët e qytetit të Laçit, i përfshirë në disa ngjarje kriminale në të kaluarën, ndërsa në vitin 2010 është dënuar me 4 vite burg.

Ngjara për të cilën është dënuar Gentian Suti
Në 2010 vëllezërit Suti, Arturi dhe Gentiani u arrestuan dhe akuzuan nga prokuroria për ?vrasje në rrethana të tjera cilësuese? të mbetur në tentativë, pasi hapën zjarr ndaj policisë së shtetit, ?mbajtje pa leje të armëve luftarake?, ?fyerje për shkak të detyrës? dhe ?mosbindje të urdhrit të policisë?. Prokurori Eugen Beci asokohe kërkoi shpalljen fajtor dhe dënimin me 21 vjet burgim për të pandehurin Artur Suti, ndërsa për të vëllain e tij, Gentianin, 20 vjet burgim. Trupi gjykues, i kryesuar nga Klodian Kurushi hoshi poshtë akuzat e ngritura nga organi i akuzës për vrasje në tentativë të policëve për vëllezërit Suti, duke i dënuar ata për veprat penale të ?kanosjes?, ?mosbindje ndaj urdhrit të policisë?, si dhe ?armëmbajtje pa leje? duke e dënuar përfundimisht Arturin me 5 vite dhe Gentianin me 4 vite burg.

Prononcimi i plotë i dëshmitarit për Report Tv
Si ka ndodhur ngjarja?
Në Laç kam që në vitin 1959 dhe këta (kushërinjtë Jushi) nuk kanë bërë fjalë me ndonjë. Sesi dhe cfarë ka ndodhur nuk dimë gjë.

Nga kanë ardhur?
Këta kanë qenë në lokal tjetër aty brenda dhe kanë dalë prej aty dhe nuk e di.

Vendngjarja ka ndodhur këtu?
Po këtu. Në lokal kanë pasur debat…

Sa kanë qenë me armë?
Nuk dihet, nuk di cfarë me të thënë. Nuk kam qenë këtu, kur kam ardhur kam parë policinë që ka bllokuar terrenin.

Kanë vdekur të dy në vend?
Po! I nisën në Tiranë, por kot, pasi kanë vdekur këtu, njëri është në gjendje të rëndë.

Kush është i plagosuri?
Gentian Suti. Është në gjendje të rëndë…

Jeni të shqetësuar?
Është shqetësuar i gjithë Laçi mbrëmë. Nuk kam ngrënë darkë mbrëmë. I thashë gruas nuk mund të ha bukë, kam dhimbje koke. Nuk kanë bërë fjalë ndonjë herë me kënd këta (kushërinjtë Jushi).





Lajmet e fundit nga