web counter
LEXO PA REKLAMA!

SHKARKO APP

App Store
Google Play

E fundit!

x

Pse doli kundër Bashës/ Flet deputeti që nuk u pajtua me djegien e mandateve

28 Prill 2019, 11:53, Aktualitet CNA

Arlind Çaçani është deputeti i ri, i cili ka hyrë në Kuvend në siglën e Partisë Demokratike.

Duke mos u pajtuar me djegien e mandateve nga paraardhësit  tij demokratë Çaçani, doli kundër vendimit të Lulzim Bashës.

Gjatë një interviste për gazetën Tema, ai është pyetur se përse mori vendimin për të pranuar mandatin e deputetit.

Ai ka thënë se pavarësisht vendimit që ka marrë nuk e ka braktisur Partinë Demokratike dhe se vazhdon ende të jem demokrat i flaktë, njësoj si ditën e parë që kam aderuar në PD.

“Unë mbaja pozicionin e Kryetarit të Forumit Rinor, edhe e kam kryer këtë detyrë fisnike me dinjitet. Por vendimi tim personal u ndikua edhe nga disa demokrat të Kolonjës që më kanë mbështetur edhe inkurajuar që të jem pjesë e Parlamentit. Normal që ka edhe kundra. Unë mendoj se ligjet edhe reformat bëhen në Kuvend. Në qoftë se do duam t?i japim Shqipërisë një reformë të re zgjedhore. Në qoftë se do ti japim Shqipërisë një sistem të ri zgjedhor. Në qoftë se do ti jap një klasë të re politike e vetmja mundësi edhe në Parlament”, ka thënë Çaçani.

Më tej ai ka mohuar të jetë pjesë e ndonjë pazari për të hyrë në Kuvend.

Ndaj tregon arsyet se përse e ka pasur të vështirë të marrë një vendim të tillë.

“Të vështirë e pata, sepse e dija që do bëhej gjyqi popullor edhe do etiketohesha si tradhtar, komunist, i shitur te qeveria. Sepse komunist ju dukem unë, që na kanë vrarë e na ka burgosur si fis gjatë regjimit komunist. E nuk ju duken ish- sigurimsat që kanë zaptuar Partinë Demokratike, ata që i dhanë votat Gramoz Ruçit për Kryetar Kuvendi. Të siguroj që po të ishin ofruar lekë nuk do vinte radha deri tek unë për të marrë mandatin. Kurrë nuk jam bërë pjesë e ndonjë pazari dhe as mendoj se do të bëhem”, ka thënë ndër të tjera Çaçani./CNA.al





Lajmet e fundit nga