E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

U akuzua për prostitucion dhe trafik droge/ Zbulohet kryebashkiaku socialist më i varfër

28 Prill 2019, 11:09, Aktualitet CNA

Vettingu në politikë, pritet të hedhë dritë mbi pasurinë e politikanëve. Por, ende ky proces është në fazën e deklaratave, pasi asgjë nuk është formalizuar.

Nga njëra anë kemi një mazhorancë dhe Opozitën parlamentare dhe anën tjetër kemi opozitën e cila ka braktisur parlamentin për të dalë në rrugë.

Në këto rrethana formalizimi i Vettingut në politikë, duket larg.

Por, CNA.al, duke iu përgjigjur interesit publik në baza ditore ka bërë vëzhgime mbi pasuritë e politikanëve nga të gjitha partitë, pa dallim ngjyre.

Në këtë vëzhgim janë përfshirë edhe kryebashkiakët.

Njëri prej tyre është kreu i Bashkisë së Krujës, Artur Bushi, i cili pas kryebashkiakut të Durrësit Vangjush Dako, është i dyti në radhë i akuzuar nga Opozita, e cila pretendon se ai ka qenë i dënuar për trafik droge në Itali.

Mirëpo në formularin e vetdeklarimit, Bushi shkruan se se Gjykata në Itali e ka shpallur të pafajshëm.

Pasi, sipas tij janë pushuar hetimet dhe për pasojë ai është liruar nga të gjitha akuzat.

Në formularin e vetdeklarimit, Bushi shkruan se akuzat kanë nisur që në vitin 1996 në Caserta të Italisë, ndërsa procesi përfundimtar gjyqësor ka përfunduar më 24 korrik të vitit 2010.

Emri i kryebashkiakut të Krujës, Artur Bushi, u lakua fort nga Opozita dhe një vit më parë për përfshirje në rastin “Xhisiela”.

Për këtë rast, Bushi është thirrur për t’u pyetur në Prokurori.

Bushi, ishte në mesin e personave të përmendur nga oficeri Emiljano Nuhu, i cili pretendonte se ai ishte i pranishëm në komisariatin e policisë në Fushë Krujë kur u kërcënua me jetë për rastin e Xhisiela Malokut.

Por, pas daljes nga prokuroria Artur Bushi mohoi në mënyrë kategorike të ketë qenë i pranishëm atë ditë ditë në komisariatin e Fushë-Krujës.

Sa i përket pasurisë, Bushi rezulton i varfër. Ai deklaron se jeton vetëm me pagën e tij dhe të bashkëshortes. Të vetmen pasuri të patundshme ai deklaron një apartament me vlerë 42400 euro, të cilin e ka blerë me kredi, por nuk e thotë vendodhjen.

Më poshtë po sjellim pasurinë e deklaruar prej në vite, sipas të dhënave të Open Spending Albania.

Viti 2012

Të ardhura nga paga si Kryetar i Komunës Thumanë 728 112 lekë.

Të ardhura si anëtar i Këshillit të Qarkut 140 400 lekë.

Të ardhura nga shitja e një autoveture me vlerë 100 000 lekë.

Blerje apartamenti me sip. 106 m2, vlerë 42 400 euro, nëpërmjet një kredie të pjesshme dhe përdorimit të parave gjendje, pa specifikuar shumat përkatëse. Pjesa në zotërim e Z. Bushi 100%.

Pagesë detyrimi me vlerë 290 216 lekë për një kredi bankare të marrë për blerje shtëpie.

Viti 2013

Të ardhura nga paga dhe përfitime të tjera financiare si Deputet i Kuvendit të Shqipërisë 477 171 lekë.

Të ardhurat nga dietat e përfituara si Deputet i Kuvendit të Shqipërisë 206 936 lekë.

Kompensim për shpenzime transporti 91 020 lekë.

Gjendje cash 550 000 lekë, e krijuar nga paga dhe përfitime të tjera financiare.

Shlyerje e parakohshme e kredisë bankare për vlerën 2 575 474 lekë të marrë në vitin 2012.

Viti 2014

Të ardhura nga paga si deputet, 1 452 453 lekë.

Të ardhura nga shpërblimet për pjesëmarrje në komisione, 97 200 lekë.

Bonus për shpenzime karburanti, 328 988 lekë.

Bonus për shpenzime telefoni 204 000 lekë.