E fundit!

16:05 Politikë

Rama për protestat: Në bulevard edhe turistë të shtirur, lëpijnë e pickojnë tubuesit e sinqertë

Kryeministri Edi Rama ka reaguar sërish lidhur me protesta...

Ku ishit ju, kur Basha largoi Patozin?/ Shkrimtari i njohur 'shuplakë" linçuesve të "Bindjes Demokratike"

28 Prill 2019, 07:10, Aktualitet CNA

Shkrimtari i njohur, Ramiz Gjini, i cili jeton në Amerikë, u ka bërë një “dush të ftohtë”, të ashtuquajturve kritike nga PD, të cilët janë radhitur, për të sulmuar partinë “Bindja Demokratike”.

Që prej kohës që u njoftua krijimi i kësaj partit politike dhe për të vijuar më tej me regjistrimin e saj, disa zëra në PD, në panik kanë nisur sulmet.

Por, shkrimtari i njohur Ramiz Gjini, i cili ka ndjekur këtë situatë nga Amerika, pra në këndvështrimin e një analisti, u ka rikujtuar “sulmuesve” të PD, kohën që shefi i tyre Lulzim Basha, largoi Astrit Patozi pa asnjë argument.

“Askush nuk foli një fjalë, kur Lulzimi, pa asnjë argument bindës, e shmangu Patozin nga Partia Demokratike. Dhe, a e dini përse?

Sepse janë njerëz të mumifikuar, pa mendim vetjak e që mendojnë se kryetari i partisë i di të gjitha.

Tani llapin e çirren plot me urrejtje, pse krijuan një parti”, ka reaguar shkrimtari Gjini.

Sipas tij, të gjithë ata që e gjykojnë dhe linçojnë “Bindjen Demokratike”, janë militantë-rekrutë të verbër të PD-së.

“Gjykohet e linçohet edhe pse, kjo parti sapo është krijuar dhe do t?i duhet shumë kohë e punë për t?i dhënë trajtë një profili të qartë. Të gjithë ata që e bëjnë, janë militantë – rekrutë të verbër të PD-së pa mendim vetjak, pra, mish për top. Janë ata, për të cilët mendon e flet kryetari i partisë. Detyra e tyre është vetëm të duartrokasin e brohorasin”, është shprehur Gjini në reagimin e tij.

Sërish shkrimtari i njohur ka bërë një retrospektivë, duke u kujtuar rekrutëve të verbër , të cilët dje çirreshin ndaj çiftit Meta-Kryemadhi, ndërsa sot janë bashkë me ta.

“Dje, çirreshin kundër Ilirit, Monikës, Edit, pra, kundër aleancës së qelbësirave, që ishin bashkë në pushtet. Sot brohorasin e duartrokasin Monikën dhe nuk duan t?ia dinë, pse edhe kjo aleancë PD – LSI, është një aleancë edhe më e neveritshme, që bie erë qelbësirë!

Aleanca e tyre, mund t?i shërbejë ca kokave në PD dhe LSI, por kurrë Shqipërisë. Ndyrësia ka dalë sheshit në rrugë. Shqipëria nuk bëhet”, përfundon shkrimtari Ramiz Gjini, reagimin e tij./CNA.al